Suku Tapo-Memo Nia Oan Dahuluk Sai Padre ! “Nia Hatudu Nia Liman Nia Kbi’it”
Imajem : Padre Justino Marques CJD
SAPNewsTL, Bobonaru : Hafoin simu ordenasaun saserdotal iha Katedral Malere Nusa Tenggara Timur (NTT) iha loron 27 Outubru 2024, Padre Justino Marques CJD sente kontente tanba bele realiza misa nova iha nia Suku Tapo-Memo, Maliana, Dioseze Maliana.
Durante diskursu, Pe. Justino Marques CJD ho gratidaun fo agradese ba parte hot-hotu liliu sarani hotu iha Suku Tapo-Memo hamutuk ho autoridade lokal sira tanba bele apoia ba realizasaun misa nova ho susesu.
“Ha’u nia agradese ba parte hotu liliu Lia Nain,Chefe Suku ho estrutura, Grupos Kategorias no sarani Tapo Memo oan tomak tanba durante ne’e sira dedika sira nia an hodi selebra Misa Nova”. Tenik Pe. Justino Marques CJD ba SAPNews iha Tapo-Memo, Maliana,05/11/024
Pe. Justino Marques hatutan, nia mai hosi família ne’ebé simples, maibe tanba ho grasa maromak nian buat ne’ebé imajina bele sai realidade ida ne’bé ema hotu bele haree no akompanha.
“Ha’u mai husi familia ne’ebe simples tebes, ha’u la espera atu sarani Tapo-Memo bele realiza serimonia boot ohin, agradese ba grasa murak ne’e”. Hateten Padre Justino
Lema ne’ebé Pe. Justino Marques, Canonici Regulares a Jesus Domínio (CJD) foti maka “Nia Hatudu Nia liman Nia Kbiit (Luk:1:52), katak Maromak hatudu nia kbiit liu hosi nijia emar sira ne’ebé tau fiar iha nia.
Padre Justino Marques estuda durante tinan sanulu resin neen iha semináriu, hasoru dejafiu no obstákulu oioin maibe ba maromak laiha buat ida mak labele ba ema nelebé fiar.
Padre dahuluk iha Suku Tapo-Memo ne’e mós husu ba sarani sira liliu joven sira hodi labele kria konflitu maibe buka moris hamutuk iha unidade, fraternidade, damen no estabilidade.
Fo hanoin fali katak Padre Justino Marques ordena iha Katedral Maumere Flores, Nusa Tenggara Timur (NTT) ihq loron 27 fulan Outubru tinan 2024, hqfoin hqlo misa novq iha Tapo-Memo loron 05 fulan Novembru tinan 2024.
Pe. Justino Marques CJD moris iha loron 23 Junhu 1990 hosi aman Constantino Marques uma lisan Dou-Hili no inan Martha Oliva Umak hosi uma lisan Sobowai Oeleu, moris iha suku Tapo Memo, Postu adminitrativo Maliana, Municipio Bobonaro, Timor Leste.
Jornalista : Conzita Mota