Suporta Vítima VBJ ! MSSI & UNICEF Lansa Padraun Prosedimentu Operasional

Imajem : MSSI & UNICEF lansa Padraun Prosedimentu Operasionál (PPO) iha salaun novu turizmu, Dili, 18/07/2024

SAPNewsTL, Díli – Ministériu Solidadriedade Sosial no Inklusaun (MSSI sigla Portugués) lansa Padraun Prosedimentu Operasionál (PPO), jestaun kazu labarik no Jestaun kordenasaun, hodi suporta vitima violénsia bazeia ba jéneru (VBJ) iha Timor-Leste.

Ministra Solidariedade Sosial no Inklusaun Verónica das Dores hateten, objetivu husi lansamentu ida-ne’e hanesan parte teknika operasional ida hodi fó apoiu ba feto no labarik feto sira ne’ebe mate tamba hasoru forma violénsia oi-oin iha sira nia jornada.

“Ohin lansa Padraun Prosedimentu Operasionál (PPO), UNICEF mos fo apoiu, ita buka ema ida-idak sistema ne’e sai dijital, ema mos labele hatene se mak iha kazu ne’e, dala barak vitima sira ita tenke proteje sira ba fatin ne’ebe seguru” Informa, Ministra Solidariedade Sosial no Inklusaun Verónica das Dores, liu husi nia diskursu iha, Salaun Ballroom Hotel Novu Turismo, Bidau Lesidere, Quinta (18/07/2024)

Imajem : Lansamentu Padraun Prosedimentu Operasionál (PPO).

Aleinde lansamentu Padraun Prosedimentu Operasionál (PPO), jestaun kazu labarik no Jestaun kordenasaun, hodi suporta vitima violénsia bazeia ba jéneru.

Representante UNICEF entrega diretamente ekipamentu IT ba Governu Timor-Leste, nu’udár simbolu reforsa serbisu entre MSSI ho UNICEF hodi apoia vitima VBJ.

Entretantu, iha serimónia lansamentu Padraun Prosedimentu Operasionál ne’e partisipa direta husi Ministra Solidariedade Sosial no Inklusaun, Verónica das Dores, Representante UNICEF, representante Diretor Páis the Asia Foundation representante Governu Australia no USAID

Jornalista : Dircia Baptista Belo