Tempu Badak, Governu Sei Lori Fila Traballador Ne’ebe Mate Iha Korea

SAPNewsTL, Dili: Relasiona ho Traballador Timor oan ida (Francisco Gonçalves da Costa) ne’ebé mate iha Korea Sul, Sekretariu Estadu Formasaun Profissional no Empregu (SEFOPE) Rojeiro de Araújo Mendonça informa mate isin traballador ne’e iha ona prosesu hodi lori fila mai Timor-Leste

SEFOPE Rogério de Araújo Mendonça hatete Trabalhador ne’ebé mate iha Korea nia prosesu hotu hotu iha embaixador ho ekipa nia liman hodi lori mai Timor-Leste

“Mate isin agora iha ona ita nia liman maibé estadu ida iha Korea, Ita hotu hatene katak ema nia lei mós iha entaun atu garante ita nia trabalhador ne’ebé mate iha serbisu fatin”. Tenik SEFOPE Rogério de Araújo Mendonça ba Jornalista sira iha Salaun Timor Lodge, 22/09/2023

Rogério de Araújo Mendonça haktuir, investigasaun remata ona no sei entrega ba Estadu Timor Leste liu husi Embaixador iha Korea Sul hafoin sei lori mai rai moris Fatin

“Ita sei hein lai, halo hotu ona investigasaun, hotu ona intrega mai estadu Timor-Leste iha embaixador ou iha adidu, ita bele lori ona mai Timor”.nia subliña

Governante ne’e husu ba família no públiku lalika hanoin dehan mate isin sei la mai, mate isin sei mai iha tempu badak maibé di’ak liu prosesu hotu tanba nia la’ós serbisu iha fatin seluk mak mate, maibé nia mate iha serbisu fatin ne’ebé prosesu sira tenke haree

Rogério akresenta, Kronologia mate ne’e Traballador refere fo han ikan mak hafoin nia mate iha servisu fatin, maibé rezultadu invesgasaun ikus seidauk fo sai.

“Kronologia nia mate ne’e, nia fó han ikan depois maka nia mate maibé investigasaun loloos sinal ne’ebé nia mate tanba saida, hein hela polísia hala’o investigasaun Korea nian maka hato’o mai entaun adidu ho embaixador hato’o mai, ita sei anunsia ba públíku”nia hatete

Enkuantu, Traballador Timor oan Francisco Gonçalves da Costa ne’e mate iha loron 16 Fulan Setembru semana kotuk, nia mate wainhira hala’o hela servisu iha servisu fatin ida iha Korea Sul. Guvernu Kompromete sei lori fila mai Timor-Leste hodi entrega ba família hodi halot

Jornalista : Ermelinda Soares