Tempu Besik, SEFOPE Sei Publika Númeru Referénsia Ba Traballador Hamutuk 8.000 Resin
Imajem Traballador Sira ne’ebé sei ba servisu iha rai-liur, Salaun Timor Lodge, Quarta (06/11/2024).
SAPNewsTL, Díli — Diretor Nasionál Empregu Estrangeiru, Sekretáriu Estadu Formasaun Profisional no Emprego (SEFOPE) João Correia Perreira informa, tempu badak SEFOPE sei publika prosesu rekrutamentu online bazeia ba rezultadu avaliasaun ba konkorente sira ne’ebe ho valor excelente, very good no good.
Direitor Nasionál Empregu Estranjeiru, SEFOPE João Correira Perreira hateten, kona ba teste ne’e kandidatu sira ne’ebe hetan valor diak por volta 8.000 ital, nune’e prosesu ne’e bazeia ba rezultadu avaliasaun ne’ebe diresaun SEFOPE avalia ba konkorente sira.
“Ami sei publika sira ne’ebe ho valor excelent,very good no good iha tempu badak, ami sei fo sai numeru referensia atu sira bele kompete ona iha merkadu hodi ba serbisu iha rai liur”, Dehan Direitor Nasionál Empregu Estranjeiru, SEFOPE João Correira Perreira ba Jornalista sira iha salaun Timor Lodge, Quarta (06/11/2024)
Imajem : Direitor Nasionál Empregu Estranjeiru, SEFOPE João Correira Perreira
Tuir nia kandidatu sira ne’ebe hetan valor sufisiente no very poor oras ne’e SEFOPE liu husi Diresaun Nasionál Empregu Estrangeiru halo hela instalasaun sistema iha munisipiu hanesan iha liquiça, Ermera, Bononaro no munisipiu seluk, bainhira konkorente sira remata ona kursu lian inglesh.
“Ita bele update fali sira atu sira bele tama iha sistema, sira bele kursu iha fatin ne’ebe deit no total kandidatu sira hamutuk 42.000 no sira ne’ebe presija tuir kursu tan mak ema hamutuk 31.000 liu, nune’e sira aumenta koñesimentu no depois kursu remata sira bele update sira nia naran iha sistema”. Nia informa
Iha parte seluk, oras ne’e trabalhador Timoroan ne’ebe hetan deporta husi serbisu imigrasaun nasaun Korea nian hamutuk ema 11 no sira iha ona Timor, traballador ne’ebé sei servisu hela iha Korea hamutuk 1.338.
“Kona ba trabalhador ne’ebe serbisu fora husi sistema (ilegal) ne’e governu korea liu husi serbisu imigrasaun mak fo sai duni avisu ne’e ba trabalhador hotu-hotu husi nasaun 16 inklui Timor-Leste ne’ebe oras ne’e serbisu iha Corea atu sai husi korea antes fulan dezembru”.
Aleinde ne’e hatan ba preokupasaun públiku nian kona-ba trabalhador Timoroan ne’ebe fakar aifuan iha Australia, SEFOPE halo ona komfimasaun ho adidu Timor-Leste nian iha nasaun Australia, maibé serteza katak informasaun refere trabalhador sira halimar de’it.
“Kona ba trabalhador ne’ebe fakar aifuan iha Australia ne’ebe oras ne’e viral, kazu ne’e ami konfirma ona ho adidu iha australia katak aifuan sira ne’e aat no trabalhador sira uza ba halimar maibé adidu ko’alia ona ho trabalhador sira atu ba futuru labele halo tan ona hodi labele fó impaktu negativu mai trabalhador Timoroan oan iha futuru”. Nia sublinha
Fo hanoin fali katak traballador Timoroan ne’ebé servisu iha rai-liur hamutuk rihun neen atus ualu resin ualu (6808).
Jornalista : Conzita Mota