Traballador Barak Hetan Explorasaun Husi Kompanha Iha Tamworth
SAPNewsTL, Dili : Traballador Marcelo Leito informa traballador Timoroan atus ida resin hetan explorasaun husi kompainha Thomasfoods international iha sidade Tamworth, Austrália.
“Ami nia problema kona ba kontratu, Ami asina kontratu iha Timor selu Uma, ahi, bee, internet hamutuk semana ida 150, Fulan 3 ami selu tuir kontratu, liu husi Fulan 3 ne’e kompainia mak buka uma ba ami hela, kada semana ami selu $ 290, kompainia halo kontratu foun haruka ami asina obrigatoriu”. Tenik traballador Marcelo Leite ba SAPNewsTL liu husi via telefone, Iha Sidade Tamworth, Austrália, 18/02/2024
Traballador Timor oan ne’e hatutan, kada semana simu osan $500 dolar Austrália, hola hahan sira gasta to’o $200 kada semana, situasaun ne’e halo sira sente la satisfaz tanba hetan rendimentu kiik liu kompara ho traballador sira seluk husi nasaun seluk.
“Kada semana, ami simu 500 dollar Australia, Ami ba hola hahan semana ida nian ami gasta $200, kompara ho nasaun 9 seluk semana ida iira simu 1000 kada semana”. Nia informa
Marcelo konsidera sira hetan explorasaun tanba kontratu ne’ebe asina iha Timor oin seluk, mai aplila iha Austrália oin seluk, traballador rai seluk selu hela fatin $150 kada semana, traballador Timoroan selu $294.90 kada semana.
“To’o agora muda fali Timoroan mai hela kada semana selu $294.90, Nasaun 9 seluk nia ema selu semana ida $150 no simu $ 1000, Timoroan ne’ebe hetan osan kiik, ne’e hela iha uma karun, maske antes ne’ebenami uza ne’e uluk nasaun Fiji nia oan sira mak hela sira selu $ 120 semana ida”. Nia konta
Iha sorin seluk, traballador Timor ne’ebe servisu iha Northern Territory Darwin, iha ne’ebe hala’o servisu nu’udar Mediku disability support worker iha Darwin mos hetan diskriminasaun husi empregador.
Maske antes ne’e traballador sira hato’o ona preokupasaun hirak ne’e ba parte adidu sira iha Austrália maibe to’o oras ne’e seidauk hetan resposta husi adidu sira.
Hafoin notisia ne’e, publika SAPNews seidauk halo komfirmasaun ho parte Sekretariu Estadu Formasaun Profisionál no Empregu (SEFOPE) no parte adidu sira iha Austrália, maibe SAPNews sei kontinua buka tuir hodi fo sai ba públika liga ba problema ne’e.
Jornalista : Marcela Mery da Costa