Komisáriu P-KHUNTO Husu Naimori Hasai Olinda Husi Partidu
SAPNewsTL, DILI– Militante Partidu Kmanek Haburas Unidade Nasional Timoroan(Sigla KHUNTO), husi estrutura postu administrativu Cristo Rei hala’o komunikadu Imprense relasiona ho deklarasaun Eis Presidente Bankada Partidu KHUNTO Olinda Guteres iha loron 13/02/2024 kona ba nia substituisaun.
Tuir porta voz, Jeremias Alves Tavares haktuir katak hanesan komisariu Politika postu Cristo Rei hamutuk ho nia estrutura tomak iha nivel aldeia no suku halo komunikandu imprensa hasoru deputada Senhora Olinda Guterres relasiona ho deklarasaun iha loron, 13/2/2024
Nia dehan katak aktu ne’e hatudu momos katak deputada Olinda la iha maturiadade politika no Inkapasidade hodi hatudu representativu partidu KHUNTO iha parlamentu nasional bainhira senhora Olinda Guterres hetan konfiansa husi Lider supremu Partido KHUNTO no sai presidente bankada Partidu KHUNTO durante preoridade Rua (2) hanesan deputadu iha parlamentu nasional husi lejislasaun da-5 no da-6.
“Ohin loron Senhora Olinda Guterres nega ami militantes husi Partido KHUNTO rasik nia votus no nega lider supremu partidu KHUNTO, actual iniciador no fundador uniko ho Partido KHUNTO tanba ne’e ami estrutura partido KHUNTO posto Cristo Rei hamutuk ho ami nia militante no simpanzante hodi kondena makas ba deklarasaun senhora Olinda Guterres nian iha plenaria uma fukun parlamento nasional tanba ne’e hanesan violasaun ba estatutu Partido KHUNTO kona ba nomeasaun chefe bankada iha parlamento nasional iha Artigo 16/F númeru 2 haktuir katak Chefe bankada hetan nomeasaun husi Lider supremu iha Partido KHUNTO”Dehan porta Voz, Komisáriu Jeremias Alves Tavares,Quinta-feira(15/02/2024)
Porta Voz ne’e salienta katak ami estrutura partido KHUNTO Posto Cristo Rei hamutuk militantes no simpanjante partido KHUNTO ezizi ba konselho lideransa superior Partido KHUNTO hodi hasai Senhora Olinda Guterres husi bankada KHUNTO no Partido KHUNTO
“Husu ba parte Juridiku partido KHUNTO bele halo analisa klean ba deklarasaun husi Senhora Olinda Guterres ne’ebe halo violasaun no traisaun ba militantes Partido KHUNTO nia Votus. Ami Estrutura Partido KHUNTO hamutuk ho militantes no simpanjante sira lamenta tebes deklarasaun ho Senhora Olinda Guterres hateten katak KORK mak konhese Naimori, povu konhese Senhora Olinda Guterres.”Nia husu
Nia deklara katak sira konhese partidu KHUNTO liu husi votus konfiasa la’os tanba deputada Olinda Guretes nune’e sira konsidera katak deklarasaun deputada ne’e falsa no halo traisaun ba partidu KHUNTO.
“Husu ba militantes no simpanjante partido KHUNTO Posto Cristo Rei nafatin mantein hodi firme no obedese ba Partido KHUNTO hodi lori vitoria ba futuru Partidu KHUNTO nian atu kontribui moris diak ba povu no Nasaun”Nia afirma
Porta voz ne’e husu ba koordenador partido KHUNTO husi suku no aldeia Cristo Rei hambrik hodi defende Nafatin Partidu KHUNTO no nia husu ba Lider supremu partido KHUNTO hodi foti desisaun imiadata no hasai deputada refere.
Jornalista : Dircia Baptista Belo
