UNFPA Preokupa Malnutrisaun & HIV-SIDA Da’et Iha Komunidade
SAPNewsTL, Dili : Xefe Misaun United Nations Population Fund (UNFPA) hala’o enkontru ho Presidente Repúblika José Ramos Horta, iha sorumutu ne’e parte rua ko’alia programa ne’ebe mak UNFPA sei halo iha Timor Leste
Xefe Misaun UNFPA Pressia Arifin haktuir objetivu husi Sorumutu ne’e hodi Introduz Programa ne’ebé UNFPA hanesan reduz mortalidade inan isin rua ne’ebé mak ho numeru ass, Moras HIV-AIDS no Treinamentu ba pessoal saude sira
“UNFPA hakarak apoia Guvernu atu halo servisu hodi bele redus mortalidade inan isin rua, hakarak hadia kualidade inan feto sira ne’ebe mak tur ahi nunee bele reduz mortalidade inan isin rua sira tanba inan sira ho 47% deit mak tur ahi iha sentru saúde, maibe 53% tur ahi iha uma”.
Lider UNFPA ne’e promete UNFPA sei halo esforsu boot ida atu eleva sentru saude sira hamutuk 36 atu sai sentru ne’ebe fornese sai sentru kuidadu no objetu Neonatal ne’ebe halo 4 no sei falta 32
Prissia hatutan, númeru HIV-SIDA aumenta no daet ona iha Komunidade nia leet Ne’ebe transforma husi Relasaun Sexual
“HIV-SIDA daet ona iha Komunidade nia leet, tanba ne’e ita tenki servisu makaas hodi reduz transmisaun HIV-SIDA iha ita nia komunidade sira nia le’et”,Tenik nia
Liga ba Malnutrisaun, Nia fundamenta Malnutrisaun laos deit Labarik Sira maibe mai mos husi inan isin rua ne’ebé kous bebe sira laiha nutrisaun
“Malnutrisaun iha labarik maibe ita mos la bele haluha fo hanoin ba ita nia Presidente Repúblika atu bele foti mos kestaun kona-ba mal nutrisaun iha ita nia inan isin rua sira, tanba inan isin rua sira mak bainhira hahú kous bebe sira la iha nutrisaun Ne’ebe mak diak, sira partus bebe ne’ebe mak mal nutrisaun hotu”.
Nune’e, UNFPA husu Guvernu no Estadu Timor Leste hodi haree no tau atensaun ba problema malnutrisaun iha Timor Leste
Tuir dadus ne’ebe públika husi United Nations Children’s Found (UNICEF) iha tinan 2022 hatudu katak problema malnutrisaun iha Timor Leste sa’e ona ba 48%
Reportazen:Lidia Amaral & Zenoveva Lopes