Kazu Rai Iha Lautém, Rezulta Aman Hetan Oho Husi Maun Nia Oan
SAPNewsTL, Lautém: Orseik Maiz ou Menuz tuku 3:00 loraik, Loron 27 Fulan Jullu 2023, Mosu dezentendimentu ida iha Aldeia Laikara, Suku Mahina II, Postu Administrativu Lautém Munisipiu Lautém entre Aman ho oan husi nia Maun rasik rezulta sidadaun ida oho aman ida tanba kauza husi hadau malu Rai
Tuir Informasaun ne’ebé SAP News TL asesu liu husi kontaktu Telefone ho Sidadaun Azito Almeida iha Aldeia Laikara haktuir, Orseik mosu insidente entre Matebean ho Autor omesidu ne’e iha tuku tolu loraik tanba hadau malu rai
“Sira (Aman no Oan husi Nia Maun) hadau malu Rai, iha Ne’ebe oan ne’e tolok nia aman husi Nia Maun ne’e, entaun nia ba buti joven ne’e nia kakorok, ikus mai oan ne’e halai ba uma laran hodi foti katana mai ta’a Matebean Nia kakorok husi kotuk to’o kakorok ruin”. Tenik Família Vizinu Azito Almeida ba SAP News TL liu husi via telefone iha Laikara, 28/07/2023
Azito hatutan, hafoin sidadaun ne’e ta’a nia aman nia alin ne’e, ikus mai Sidadaun refere Iis kotu no mate kedas iha fatin tanba ran sai barak no kakorok nia uat ka talin sira kotu hotu
“Hafoin ta’a nia husi kotuk, Nia kakorok talin sira kotu hotu to’o nia ruin, ikus mai ran sai barak no mate kedas iha fatin”. Nia informa
Nia akresenta, hafoin mosu kazu ne’e, Polísia Nasional Timor Leste (PNTL) Munisípiu Lautém, Postu Administrativu Lautém asegura ona autor ne’ebe oho Matebean ne’ebe ho naran Bendito Miranda Iha Aldeia Laikara, Suku Mahina II Postu Administrativu Lautém Munisipiu Lautém
Matebean ho Naran Bendito Miranda mate husik hela oan feto nain 2 no Mane 1 ho nia ferik, Hafoin Matebean mate no latan hela iha rai nia oan, fen no família sira mai haleu ho hakilar no tanis tanba lakon tebes aman ida ne’ebé tau matan ba sira
Hafoin Notisia ne’e, tun SAP News TL seidauk halo komfirmasaun ho parte Komandu Munisipiu Lautém tanba sei okupadu ho servisu balun
Jornalista: Luis Pailofo