PN Rekunhese Sasan Folin Sa’e, Guvernu Afirma Sei Hatun
SAPNewsTL, Dili: Komisaun D Parlamentu Nasional (PN) ne’ebe trata asuntu ekonomia no dezenvolvimentu Deputadu Ricardo Baptista hateten sasan ne’ebe agora folin sa’e iha rai laran ne’e impaktu husi taxa ne’ebe mak hasa’e iha tinan kotuk
“Liga ho sasan ne’ebe folin sa’e hanesan fo’os ita adopta mos merkadu livre no fos ne’ebe folin sa’e ne’e impaktu husi ita nia taxa ne’ebe mak ita hasa’e iha tinan kotuk ba”. Teknik Deputadu Komisaun D Parlamentu Nasional ne’ebe Ricardo Baptista liu husi Plenária iha Uma Fukun PN, 24/07/2023
Komisaun D ne’e hatutan, sasan sira hanesan foos ne’ebe folin sa’e ne’e laos deit iha ita nia rai maibe husi mos nasaun ne’ebe importa mai rai laran
“Fos folin sa’e ne’e mos la’os de’it iha ita nia nasaun, ita la’os produtor nasaun, produtor mak foos ne’ebe maioria ita importa, ho ida ne’e fos folin sa’e iha nasaun ne’ebe atu importa mai, iha ita nia nasaun mos fos folin tenki sa’e ona, agora politika global ne’e mos fo influensia ho sasan nia folin, ita mos sofre hotu ba sasan nia folin ne’ebe sa’e, la’os deit taxa”. Nia teni
Deputadu ne’e fundamenta sasan ne’ebe folin sa’e laos deit impaktu husi taxa importasaun deit maibe mos operasaun portu ne’ebe la’o.
“Klaru katak taxa ne’ebe ita hasa’e ne’e impaktu no laos taxa importa deit, mais taxa sira ne’ebe mak hanesan, iha portu ne’ebe mak sa’e operasional iha portu ne’ebe mak la’o ne’e mos fo impaktu hotu ba sasan nia folin”. Nia Hakot
Entretantu, Hafoin sorumutu ho Presidente Repúblika José Ramos Horta iha Palasiu Presidensial orseik, Primeiru Ministru Kayrala Xanana Gusmão haktuir, Nia parte la aseita ho folin sasan ne’ebe sa’e Makaas liu-liu nesesidade Báziku hanesan Foos, Mina, no seluk-seluk Tan
Enkuantu, Polítika hasa’e taxa ne’e aprova husi guvernu anterior no Parlamentu Nasional kinta lejislatura Ne’ebe hasa’e husi 2,5% ba 5%, Maske nune’e Maibé Nonu Guvernu Konstitusional afirma sei haree no hatun folin sasan sira
Jornalista: Anina Martins & Ermelinda Soares