Kada Tinan Feto 40.000 Hetan Isin Rua, 53% Tur Ahi Iha Uma
SAPNEWS TL, DILI: Hafoin sorumutu ho Presidente Parlamentu Nasionàl Maria Fernanda Lay, Reprezentante Fundos Nasoens Unidos Iha Timor Leste (UNFPA- TL) Pressia Arifin konsidera Saude ba inan sira importante teb-tebes ba Nasaun Timor Leste
Xefe Missaun UNFPA Pressia Arifin haktuir Objetivu hasoru malu ho Presidente Parlamento Nasional ne’e hodi husu nia apoiu atu mobiliza orsamento boot liu husi Governu atu bele investe iha Area Saúde maternu uluk atu hadia kualidade serbisu ba inan Sira ne’ebe tur ahi
“Hasoru malu ho Parlamentu Nasional hodi husu sira tau osan boot iha área Saúde, nune’e bele hadia kualidade servisu ba inan isin rua sira ne’ebe tur ahi ho komplikasaun liu husi estabelesimentu sentru kuidadu emergensia obstetiku no neo-natal”.Tenik Xefe Misaun UNFPA Pressia Arifin iha Resintu PN, 26/07/2023
Lider UNFPA ne’e akresenta, kada tinan inan feton 40 Mill maka hetan isin rua no hasoru risku wainhira tur ahi tanba la asesu ba fasilidade Saúde no menuz kontrolu ba sira nia saúde
“Tina-tinan iha inan hamutuk 40 mill Iha Timor inan isin-rua, agora husi inan rihun hatnulu ne’e iha Rihun Neen mak enfrenta Risku bele mate Tanba komplikasaun oioin ne’ebe bele mosu bainhira Sira isin Rua ka tur ahi, iha Estatístika Inan isin rua asesu fasilidade Saúde Hamutuk 57% no 43% lá asessu”. Nia Informa
UNFPA hakarak apoia Guvernu atu halo servisu hodi bele redus mortalidade inan isin rua, hakarak hadia kualidade inan feto sira ne’ebe mak tur ahi nunee bele reduz mortalidade inan isin rua sira tanba inan sira ho 47% deit mak tur ahi iha sentru saúde, maibe 53% tur ahi iha uma
Nia Informa, iha audiênsia ne’e Presidente Parlamentu Nasional Maria Fernanda Lay afirma sei apoia programa ne’ebe sira apresenta no nia garante guvernu sei investe iha saúde no halo servisu ne’ebe diak Liu ba servisu saúde materna
Jornalista: Ermelinda Soares