UNITAL Realiza Yudisium Ba Estudante 66, Reitor UNITAL Kongratula Estudante
Dili – Universidade Oriental Timor-Lorosa’e (UNITAL) realiza Serimónia Yudisium ba estudante finalista hamutuk 66, Melhor Estudante estudante Juditista Jaimita de Araujo husu estudante sira hotu esforsu an nafatin hodi alkansa ba ida-idak nia objetivu
Tuir Reitor UNITAL Florindo fo kongratulasaun ba estudante finalista nain 66 ne’ebe ho hakaas an no sakrifisiu tomak bele alkansa nia objetivu principal hodi partisipa iha judisium iha tinan 2022
“Ha’u orgulhu no kongratula ita boot sira nia esforsu tomak durante ne’e hodi alkansa ita hotu nia mehi hodi prepara rekursus umanus ba iha nasaun Timor-Leste estudante, ne’ebe simu judisaun mai husi departamentu tolu mak hanesan Administrasaun Publika estudante nain lima nulu resin tolu, departementu komunikasaun Social nain lima no Relasões Internasionais nain tolu”Dehan Florinda iha nia diskursu iha Salaun UNITAL Becora Sesta-feira,27/05/2022.
Entretantu, Dekana Florinda esplika eduka ema sai ema la’os fasil maibe liu husi prossesu naruk nakonu ho difikuldades no desafius oi-oin. Maibe obriga ema nia kapasidade artistika husi pratikas oi-oin hodi forma ema sai matenek signifika katak eduka ema ho nia singularidade ke unika nu’udar existensia no desenvolvidu la’os deit fisikamente ho sentimentu, mentalidade, hanoin inklui espiritu ema nian.
Entretantu, Melhor estudante Juditista Jaimita de Araujo Misa hetan primeiro lugar iha juditista academika 2022 husi fakuldade Siensia Sociais e politika departementu Administrasaun Politika sente orgullu no agradese tanba esforsu ne’ebe durante ne’e sai positivu.
“Buat neebe ha’u hetan, apresia tebes tamba buat ne’ebe ha’u esforsu oin atinji duni no buat ne’ebe ha’u hetan iha Universidade Oriental Timor-Lorosa’e ba futuro ha’u fahe tutan ba sosiedade sira ne’ebe presija no desenvolve diak liu tan nasaun Timor-leste”Tenik Nia
Enkuantu, Estudante ne’e mos husu ba estudante sira esforsu an nafatin tanba liu husi esforsu mak bele alkansa ita nia mehi no hakarak.
Jornalista : Absalão da Costa Lopes