Imajem : Vise Reitora Asuntu Estudantil UNTL Lìgia Tomas Correia. Dili, 15/11/2024
SAPNewsTL, Dìli : Durante selebra aniversáriu Universidade Nasionál Timor Lorosa’e (UNTL) ba dala XXIV, Vise Reitora Asuntu Estudantil Lígia Tomas Correia hateten UNTL realiza atividade extrakurikuláriu hodi festeza dies natalis.
Iha ambitu selebrasaun aniversáriu, lansa aplikativus dijitais hamutuk 24, realiza seminariu, atividade extrakurikuláriu, UNTL atribui sertifikadu ba manan na’in sira no entrega taxa rotativa ba Fakuldade Engenharia Siénsia no Teknolonia tanba fakuldade refere konkista klasifikasaun dahuluk ba modalidade hamutuk 3.
Vise Reitora Asuntu Estudantil UNTL Lìgia Tomas Correia parabeniza manan na’in sira tanba konsege hetan rezultadu diak no hatudu ida-idak nia talentu liliu Fakuldade Engenharia Siénsia no Teknolojia (FEST).
“Parabens ba FEST liliu estudante Ligénito Couto Real Correia Bucar tanba sai manan na’in ba modalidade Rapid Typing no Design Grafis, Premiu ne’ebe oferese husi Universidade Nacional Timor Lorosa’e ba Faculdade Engenharia Ciência e Tecnologia núdar rekoñesimentu ba estudante sira”.
“Prémiu ne’e ba Estudante sira nia Desempeñu Exepsional iha atividade extrakurrikulár ne’ebe insentiva, valoriza sira nia esperiênsia no fortalese espiritu kontinuidade atu patisipa atividade Extrakurrikulares iha parte Sientifíku, Dijital, Arte, Kultura, Ambientais no Desportiva ne’ebe organiza husi Gabinete Vise Reitora para os Assuntos Estudantís, iha âmbitu komemorasaun dies natalis ba dala XXIV”. Tenik Vise Reitora UNTL Lìgia Tomas Correia iha Kampus Hera, 15/11/2024
Dra. Lìgia Tomas Correia konsidera atividade extrakurikulares fundamenta ba konstrusaun komunidade akadémika sira hodi promove nafatin kultura aprendizajem atu kontinua fó benefisiu ba estudante sira atu hetan oportunidade no dezenvolve sira nia abilidade prátika
“Atividade extra ne’e ho hanoin ida hodi aumenta autokonfiansa (fiar-an) no mos konstrui rede kontaktu nian alias interasaun sosial, no mos servisu iha ekipa, programa ne’e fundamentu tebes atu fó susesu ba sira nia karreira profissional iha futuru”.Nia dehan
Antes ne’e, Vise Reitora Asuntu Estudantil UNTL Lígia Tomas Correia hateten atividade extra-kurrikular ne’e hanaran jovens talentos, programa ne’e mai husi inisiativu gabinete asuntu estudantil nian ho objetivu atu hasa’e kreatividade no kapasidade estudante sira nian iha UNTL.
”Kompetisaun Maskote ne’e atividade ida husi Vise Reitora Asuntu Estudantil ne’ebé realiza hodi promove no desenvolve talento, kreatividade no kapasidade estudante sira nian iha UNTL inklui atividade sira hanesan diskursu pùbliku, debate públiku, rapid typing, Grafis Desing no seluk tan”.Tenik Vise Reitora Asuntu Estudantil UNTL Lígia Tomas Correia ba SAPNews iha Kampus UNTL Kaikoli, 25/10/2024.
Vise Reitora informa primeiru lugar okupa husi Fakuldade Medicina Ciensia da Saùde (FMCS),segundo lugar Fakuldade Turismu Arte industriais Kreativas e kulturais (FTAICC), terseiru lugar Fakuldade Agrikultura (FAGRI), Kuartu lugar Fakuldade Enjenharia Ciensia e Tecnolojia (FECT), kintu lugar Fakuldade Ciensia Ezata (FCE).
“Deseña maskote ne’ebé manan ona primeiru lugar FMCS, segundu lugar FTAICC no terceira lugar FAGRI, Kuartu lugar FECT, Kuintu lugar FCE, imi nia kontribuisaun nafatin importante, sira nain lima nia kreatividade no ideia hamutuk kontribui ba UNTL”.Nia sublinha
Lígia Tomás Correia fo parabens ba manan na’in sira hotu tantu sira ne’ebé la hetan klasifikasaun iha kompetisaun atividade extrakurikuláriu liliu Fakuldade Engenharia ne’ebé manan taxa rotativa iha tinan 2024.
“Parabens no agradese tebes ba sira hotu ne’ebé manan inklui sira ne’ebé lakon, parabens liliu ba Fakuldade Engenharia Siénsia no Teknolojia tanba manan taxa rotativa tinan 2024″.
Enkuantu, iha aniversáriu ne’e UNTL realiza lansamentu aplikativus dijitais hamutuk 24, hala’o semináriu, atividade extrakurikuláriu, atribui sertifikadu ba vensedor sira, no entrega taxa rotativa ba Fakuldade Engenharia Siénsia no Teknolojia.
Partisipa iha selebrasaun aniversáriu ba dala XXIV ne’e maka Prezidente Repúblika Jose Ramos Horta, Ezekutivu UNTL, Konvidadu sira, Dosente sira no estudante sira.
Jornalista : Marciana Conceição