28 Novembru ! Membru PNTL & F-FDTL Ne’ebe Involve GAR & GAM Sei Jura Hodi Sai

SAPNewsTL, Dili : Relasiona ho konfrontu ne’ebe akontese iha Suku Lourba, Munisipiu Bobonaru orseik (03/11/023), Primeiru-Ministru, Kay Rala Xanana Gusmão alerta ba lideransa Grupu Arte Marsial no Ritual sira hodi kontrola membru sira, se la kontrola hodi husik sira halo krime maka sei kaer nia lider sira.

Lider Rezistensia Xanana alerta ba responsavel GAM (Grupu Arte Marsial) no GAR (Grupu Arte Ritual) kuandu la kontrola sira nia membru halo nafatin krime, governu sei hatun orden hodi kaer maka lider sira ne’e.

PM Xanana hateten, nia sei bolu membru PNTL no F-FDTL sira ne’ebé envolve iha grupu GAM no GAR sei halo juramentu jerál hodi sai para halo servisu ho independente.

“𝗕𝗮 𝗺𝗲𝗺𝗯𝗿𝘂 𝗣𝗡𝗧𝗟 𝗻𝗼 𝗙-𝗙𝗗𝗧𝗟 𝗽𝗮𝗿𝗮 𝗶𝗱𝗲𝗻𝘁𝗶𝗳𝗶𝗸𝗮 𝗹𝗮’o𝘀 𝗸𝗮s𝘁𝗶𝗴𝘂, 𝗶𝗱𝗲𝗻𝘁𝗶𝗳𝗶𝗸𝗮 𝗽𝗼𝗹𝗶𝘀𝗶𝗮 𝗻𝗼 𝗙-𝗙𝗗𝗧𝗟 𝗵𝗼𝘁𝘂- 𝗵𝗼𝘁𝘂 𝗻𝗲’𝗲𝗯e 𝗽e𝗿𝘁𝗲𝗻𝘀𝗲 𝗯𝗮 𝗚𝗔𝗠 𝗻𝗼 𝗚𝗔𝗥 𝗶𝗵𝗮 𝗹𝗼𝗿𝗼𝗻 𝟮𝟴 𝗡𝗼𝘃𝗲𝗺𝗯𝗿𝘂 𝟮𝟬𝟮𝟯 𝗵𝗮𝗹𝗼 𝗷𝘂𝗿𝗮𝗺𝗲𝗻𝘁𝘂 𝗵𝗼𝗱𝗶 𝘀𝗮𝗶 𝗵𝗼𝘀𝗶 𝗴𝗿𝘂𝗽𝘂 𝗽𝗮𝗿𝗮 𝗱𝗲𝗳𝗲𝗻𝗱𝗲 𝗽𝗼𝘃𝘂,” PM Xanana informa liu husi intervista iha Komandu Jerál PNTL, Caicoli Dili, 04/11/023

PM husu mós ba Padre sira iha Igreja Katolika hotu- hotu atu halo misa ba dame hodi lori mensajen paz ba juventude hotu- hotu.

“Husu ba Padre no Madre sira hotu, halo misa ba dame hodi lori mensagem ba paz nian juventude hotu”. Nia Sublinha

Komisariu Jerál Polisia, Henrique da Costa informa Komandu hatun ona membru PNTL koopera ho PNTL hodi halo atuasaun no hari’i postu seguransa provizoriu hodi evita konflitu ne’e.

PNTL halo ona identifikasaun ba vitima balun ne’ebé kanek deskunfia sai mós nu’udar suspeitu ba konflitu no sei buka hodi kaer tan hirak ne’ebé halai.

Enkuantu, konfrontu fízika ne’ebe mosu iha Munisipiu Bobonaru orseik (03/11/023), iha ne’ebe komete entre grupu juventude sira ne’e rezulta ema na’in-hitu (7) kanek no uma haat hetan sunu, kioske rua (2) ho uma ualu (8) hetan estragu (baku rahun) hodi halo populasaun halai husi uma hela fatin no trauma.

Jornalista : Marcella Mery da Costa