![Loron Nasionál Mulher ! Marcella : Feto Tenki Brani Foti Risku & Responsabilidade Loron Nasionál Mulher ! Marcella : Feto Tenki Brani Foti Risku & Responsabilidade](https://sapnewstl.com/wp-content/uploads/2023/11/1698976645806.jpg)
Loron Nasionál Mulher ! Marcella : Feto Tenki Brani Foti Risku & Responsabilidade
SAPNewsTL, Dili : Ohin Loron Nasional ba Feto hotu hotu iha Timor Leste, relasiona ho loron Nasional ne’e, Xefe Redasaun SAPNews Marcella Mery da Costa fo parabens ba feto hotu-hotu iha Timor Leste no husu atu nafatin koragem hodi luta ba igualidade jeneru
Xefe Redasaun SAPNews Marcella Mery da Costa hateten, Timor Leste nia luta ba ukun an la ses husi feto sira nia kontribuisaun no sakrifisiu to’o lakon vida inklui hetan violasaun oioin no torturasaun sira
Nune’e, Xefe Redasaun SAPNews Timor-Leste ne’ebe lidera husi feto foinsa’e sekulu XXI ne’e husu ba feto maluk hotu hodi luta ba direitu, dignidade no dezenvolvimentu feto sira nian iha Timor Leste tanba Feto ho mane hotu iha dereitu hanesan iha lei nia oin
“Timor-Leste nia independensia la ses husi luta feto sira nian, ate feto barak sai vitima iha tempu kolonial no invazaun Indonesia, tan ne’e ha’u hakarak husu husu ba feto hotu-hotu atu iha koragem no brani nafatin hodi luta ita nia ezistensia, direitu, dignidade no dezenvolvimentu feto nian”. Tenik Xefe Redasaun SAPNews Marcella Mery da Costa iha Dili, 03/11/2023
Marcella Mery da Costa akresenta, ohin loron nasional ba feto sira, hamrik hanesan Feto ne’ebe lidera media Juvenil, estudantil no akademiku SAPNews Timor-Leste (SAPNewsTL) sente no hanoin katak feto sira hotu tenki hamrik ho berani no prontu hodi foti risku wainhira luta ba igualidade jeneru no emanisipasaun feto nian
“Media Juvenil, estudantil no akademiku SAPNews Timor-Leste ne’ebe lidera husi ha’u, ha’u atu hateten katak feto sira tenki berani no prontu hodi foti risku wainhira hanoin hodi luta ba igualidade jeneru no emanisipasaun feto nian”. Nia husu
Marcella fundamenta, ohin Timor-Leste selebra loron nasional feto ba dala XLVII (47⁰) ne’e fo refleksaun katak Timor oan tenki rekunhese no konsiente katak Feto iha direitu no dever hanesan ho mane sira ho maluk mane sira, tan ne’e tempu ona atu feto sira bele foti responsabilidade no oportunidade hodi luta ba bem estar ema hotu nian
“Loron nasional ne’e fo atensaun no reflesaun ida ba ita hotu katak ita hotu iha direitu no dever hanesan iha lei nia oin, tanba ne’e feto sira tenki foti responsabilidade no oportunidade hodi kontribui ba bem estar komun sidadaun hotu nian”. Nia sublinha
Entretantu, Loron nasional ba feto ba tinan ne’e Timor Leste komemora ona ba dala XLVII (03/11/1976-03/11/2023), loron nasional ne’e konsidera importante ba feto sira hotu inklui mos mane sira hodi presta omenagem hodi dignifika no valoriza feto sira ne’ebe fo sira nia an tomak ba Timor nia ukun an
Jornalista : Ermelinda Soares