Dalan Ba Pagamentu Dijital ! BCTL Kontinua Desimina Informasaun

SAPNewstl, Dili : Ohin Governador Banku Central de Timor-Leste (BCTL) hala’o sesaun desiminasaun informasaun kona ba transaksaun dijital ba serbisu finanseiru sira hanesan pre-atividade ida atu kontribui ba selebrasaun loron poupansa nasional ba dasia(9) no kampu dijital ba Datoluk (3)tinan 2023

Governador BCTL Helder Lopes haktuir, Banku Sentral nia papel ida mak atu promove pagamentu ne’ebe seguru, efisiente no komfortabel ba populasaun tomak.

“Nune’e banku sentral iha mehi katak hodi serbisu hamutuk ho entidade relevantes tomak liu-liu ho instituisaun finanseira iha Timor-Leste, hodi bele promove pagamentu dijital para bele fasilita processu transaksaun sira iha ita nia rai laran”. dehan Governador Banku Central de Timor-Leste ba jornalista iha Salaun Novu Turismu,Segunda, 20/11/202

Governador ne’e akresenta, Promove pagamentu dijital ida ne’e bele hamenus kustu ba procesu tansaksaun, serbisu finanseiru sira ne’ebe fo ba kliente sira, nune’e serbisu finanseiru ne’e bele inklusivu.

“Banku Central de Timor-Leste(BNCTL) serbisu hamutuk ho instituisaun finanseira hanesan banku UDTI, FINTEK iha Timor-Leste para atu promove dijital finansial iha ita nia rai laran liu-liu atu fasilita setor privadu sira para halo pagamentu dijital ba sira nia negosiu” Nia Akresenta.

Helder Lopes hateten, Tinan kotuk hala’o ona iha Postu Administrativu Baguia, Uatulari no Maubisse mais iha hanoin katak tinan ida ne’e lansa fali iha Dili tanba ekonomia agora dadaun konsentradu iha Dili.

“Ita atu halo pagamentu dijital ho efisiente, komfortabel no seguru ba ita ninia populasaun, ita presija infraestrutura ba telekomunikasaun liu-liu internet, presija ID eletroniku, presija halo desiminisaun ba populasaun para oinsa atu utiliza ba sasan sira ne’e” Nia Dehan.

Entretantu, Agora balu komesa adapta ona iha Timor-Leste hanesan iha loja balu bele selu uza osan fisiku ou balu selu uza kartaun.