Fundu Minarai Ba Povu, Guvernu Realiza Programa Sexta Bázika, UKL, Subsídiu Ba Familia
SAPNEWTL, Dili : Governu Liu Husi Vice-Ministru Administrasaun Estatal (Vice-MAE) ho Sekertariadu Apoiu Teknika Sesta Basika (SATSB) Hahú Fahe Sesta Basika iha Suku Comoro, Aldeia Baia-Leste, Vise Ministro Estatal Lino de Jesus Torezão hateten Osan Minarai ba komunidade, Governu realiza Programa Sexta Bázika, Uma ba Kbiit Laek, no Programa Subsídiu Ba Familia iha Dezembru mai
Tuir Vise Ministro Estatal Lino de Jesus Torezão hateten Sexta Basika ne’e programa ida ne’ebe mak Oitavu Governo Konstitusional hatun iha orsamentu jeral do estadu ne’ebe mak fo kompetensia tomak organiza programa sexta basika
“Oitavu Governo Konstitusional nia politika ida ne’ebe mak atu implementa Osan ne’e Laos ba iha Leten deit maibe atu implementa Osan minarai ba komunidade Sira, nune’e komunidade Sira mos bele hetan benefisiu, osan ne’ebe ita uza agora ne’e uza Osan minarai nian״. Tenik Vise Ministro Estatal Lino de Jesus Torezão ba Jornalista sira iha Dili, 16/06/2022
Programa ne’ebe mak oitavu governo konstitusional tau laos sexta basika deit maibe iha mos Uma Kbiit Laek (UKL) iha orsamentu jeral 2021 iha teritoriu Laran tomak, total uma ne’ebe mak komunidade sira hetan hamutuk rihun ida atu rua limanulu resin-haat (1.254).
“Iha Orsamentu Retifikativu ba Xefe Familia ida- idak iha Fulan Dezembro mai sei iha tan dozentus dolares kada familia״. Nia informa
Iha Sorin seluk Sekretaria Teknika Apoiu Sexta Básika Florentina Smith hateten ekipa do Sekretariadu Tekniku Simu ho responsabilidade knaar ne’e, orgulhu no kongratula husi MTCI ne’ebe mak ho esforsu tomak, maske iha situasaun ne’ebe mak manas maibe felizmente bele Avansa ona politika pedidu distribuisaun ba Sexta Básika.
“Iha tinan 2023, Ita nia medida distribuisaun Sexta Basika bele kontinua esforsu tomak ne’ebe sekretariadu hala’o servisu ho kompozisaun no dirizentes nia kapasidade no esforsu tomak hodi bele ajuda governu nia programa ba Sexta Basika ne’ebe hahu iha Suku Comoro Aldeia Baia-Leste no sei kontinua iha Munisipiu Likisa no sei kontinua ba iha munisipiu ne’ebe mak Sekretariadu simu ona liu husi entidade implementadores MTCI nian״. Nia hakotu
Jornalista : Vitoriana Brites
Editora : Aquelina Da Conseicao Magalhaes