SEJD No APFTL Loke Kompetisaun Hakerek Perfil Foinsa’e, Manan Nain Sei Hetan $ 4.400.00

SAPNEWSTL, DILI, 17 Junho 2022 : Alumni Membro Parlamento Foinsa’e Timor-Leste (APFTL) hamutuk ho Sekretaria Estadu Juventude no Desportu(SEJD) realiza sozializasaun ba programa kompetisaun hakerek perfil foinsa’e inspirador, Membru APFTL Sejar hateten Kompetisaun ne’e Loke Ba ema hotu inklui Media sira

Objetivu sosializasaun ne’e, oinsa atu hakerek perfil foin sa’e sira ne’ebe mak susesu ona no durante ne’e haree foin sa’e sira ne’ebe mak susesu ona maibe informasaun sira ne’e seidauk ba to’o iha publiku, atu liu husi kompetisaun ne’e sai hanesan motivasaun ba foin sa’e sira seluk atu bele infrenta dezafius moris nian.

“APFTL servisu hamutuk ho Sekretariu Estadu Juventude i Desporto (SEJD) organiza atividades hirak ne’e i bolu foin sa’e sira hodi mai hamutuk ne’ebe mak iha inisiativa atu hakerek istoria sira hanesan ne’e, la haluha bolu media sira hodi sira mos bele hakerek foin sa’e sira nia istoria ne’ebe durante sira susesu maibe ita nia sosiedade sira seidauk hatene sira nia istoria ba iha susesu.”Dehan Membro APFTL Cezar Ferreira Amaral Ba Jornalista Iha Salaun Magna SEJD Sexta Feira (17/06).

Oportunidade ida ne’e tau geral ba ema hotu ne’ebe mak iha interese atu hakerek no iha media sira ne’ebe mak iha interese atu hakerek sira mos bele hakerek importante mak hakerek tuir kritéria hirak ne’ebe mak sosializa ona

“Aktividades hirak ne’e laos foin mak atu hahu maibe ita hahu uluk ona iha tinan kotuk i ida ne’e ba dala rua nian i ne’e mos laos hanesan kompetisaun sira seluk ida ne’e nakloke ba joven sira hotu ne’ebe mak iha inisiativa hakarak sira mai hodi aprezenta sira nia ideias iha esposizaun ne’ebe mak ita sei realiza iha tempo badak i sira liu iha esposizaun ida ne’e sira mos sei konversa ho juri sira.”Nia Informa.

Kriteria mak hanesan ba media sira atu halo video i sira iha ona material hodi bele produs video ba ema sira ne’ebe mak hakerek nia istoria, material hanesan rekaman ema nia lian hodi nia mai rona no bele hakerek ho mos material sira seluk ne’ebe mak sei uza ba iha eskritor sira.

ʺEma ne’ebe mak ita atu ba intervista i joven sira ne’ebe mak susesu ona ne’e mak nia idade tenki tuir Politika Nasionál Juventude nian minimu 15&24 i ita mos la taka dalan ba sira ho idade 25 to’o 30 no data ne’ebe mak hahu registu mak iha loron segunda no ami mos sei publika iha media APFTL ninian konaba saida deit mak sei uza atu ba registu״. Nia akresenta

Cezar Ferreira hatutan autor sira mak sei deside atu foti fontes bele mos rekomendasaun husi Alumi Parlamentu Foinsa’e Timor-Leste (APFTL) ho mos Sekretariu Estadu Juventude no Desportu (SEJD), iha kalendariu ba sira ne’ebe mak passa iha iha esposizaun ne’ebe sei mai, nia passa tiha mak foin iha kalendariu ba sira ne’ebe passa ne’e hodi hakerek

“Hahu iha fulan Agostu ita sei publika to’o iha fulan dezembro ita sei publika istoria haat sei iha video haat no mos istoria haat, ita mos tau kriteria espesifiku hanesan ema ne’ebe mak susesu iha negosiu nian no halo Emprego ba nia an rasik no mos empregu ba ema seluk, aktividades ne’ebe mak nia halo ne’e fo mudansa ba sosiedade sira.”Tenik Nia.

Enkuantu, Prémiu ba menan nain sira ba eskritor nian sei manan osan ho montante 1.500$dolar no ba iha produs video nian sei menan osan ho montante 3.500 to’o 4.000.00$.

Jornalista        :Lidia Amaral

Editor             :Justino De Jesus Soriano