Selebra Loron Corpu de Deus, Dom Virgilio Husu Ema Hotu Proteze Ambiente

SapnewsTL, Dili – Sarani Diocese Dili  Selebra Loron Corpo de Deus ho Proceisaun husi Balide to’o Lecidere, Arche Bispo Metropolitano de Dili Dom. Virgilio do Carmo da Silva SDB husu sarani hotu-hotu hatene kuidadu, proteza no hadomi ambiente iha Timor-Leste

Tuir Archebispo Metropolitano de Dili Dom. Virgilio do Carmo da Silva SDB Hateten Tinan -Tinan sarani katólika sempre selebra  festa Corpo de Deus  Ne’ebe  estadu rekoñese mos loron ida ne’e hanesan Loron Nasional.

“Ita iha festa barak iha Calendário Liturgia nian, Maibe Corpo de Deus, Loron ida ne’ebe espesial, Tan ne’e mak ita iha loron ida ne’e hala’o ita nia prosisaun espesial ida hodi halibur sarani Hotu-hotu”. Dehan  Arche Bispo Metropolitano de Dili Dom Virgilio do Carmo da Silva Ba Jornalista SapnewsTL iha Monumento Nossa Senhora, Lecidere, Quinta Feria(16/06/22).

Arcebispo Metropolitano Dom.Virgilio do  Carmo da Silva mos hatutan, Loron ida ne’e mos importante ita hanoin kona ba Jejus, nia ne’ebe oferese ba sarani hotu-hotu

“Ita hanoin kona ba Jejus ne’ebe oferese ba ita sarani sira, ida ne’ebe fo ninia an nu’udar Ai-han ba ita sarani, ne’e ita rona bebeik ona. Maibe buat ida ne’ebe ohin ha’u partikularmente iha ha’u nia Reflesaun, Ha’u konvida ita, atu Haree i liga liu ho Tema Diocese ninian ne’ebe koalia kona ba Eukaristia ho Ekolojia Ambiente ne’ebe dala barak sempre sai ruma ne’ebe Haketak malu”.Dehan Arcebispo Metropolitano Dom.Virjhilo Do Carmo da Silva.

Dom Virgilio do Carmo da Silva hatutan Amu Papa Konvida ema hotu  atu haree oinsa dehan katak lolos ne’e buat rua ne’e  iha Relasaun ne’ebe  Besik liu tebes, Tanba Jejus  maske maromak nia hili  Sai ema ne’e halo an moris iha mundu ida ne’e, iha Rai ida ne’e, Ambiente ida ne’e .

“Jejus konvida ita, ita iha situasaun ida ne’ebe Krizse Global ida kona ba Ambiente Konvida ita sarani atu iha liu tan Domin Bo’ot ida ne’e, hatene kuida hatene tau matan, tan ne’e wainhira kolia kona ba festa Corpo e Sangue tinan ida ne’e nian particularmente ha’u  Konvida sarani atu haree Liu-liu ba iha parte ida ne’e, Oinsa ita hadomi mos ita nia ambiente, ita nia natureza ne’ebe atu nune’e halo fatin ne’e furak, labele halo sai fali Fatin ne’ebe dalabarak sai ameasa ba ita ema nia moris rasik”. Nia hakotu

Reportagem: Conzita Mota

Editor : Benezia C.Dos Reis