SEA Selebra Loron Mundial Ambiente, Pe. Venancio Husu Ema Hotu Hadomi Natureza

SAPNEWSTL, Dili : Sekretaria Estadu Ambiente (SEA) Realiza Workshop Komemora Loron Mundial Ambiente, Iha Intrevista Orador Padre Venancio da Costa Pereira hateten Hadomi Natuteza hahu husi buat ki’ik oan hanesan limpeza uma laran no ida-idak nia an rasik tanba hotu-hotu ne’e imajen maromak nian

ʺEma hela iha mundu tenki hanoin husik hela mundu ida ne’e ba jerasaun foun ne’ebe atu mai mos iha direito uza mundu ne’e hanesan ita uza daudaun ne’e, nune’e labele estraga rai nia bokur״. Tenik Pe. Venancio da Costa Pereira ba Jornalista sira iha Salaun Delta Nova Dili, 14/06/2022

Padre ne’e hatutan, Mundu ne’e sai hanesan Uma ida ba ema hot-hotu, ema kiak, riku, matenek, beik no mos Ema se deit la iha Ida Liu hot-hotu  tenki inklui iha mundu ne’e.

ʺSantu Padre husu ba Ema hotu atu servisu hamutuk kuandu defende ezistensia natureza nian hakat labele haree ona ba  ida-idak Nia an rasik, maibé tenki iha responsabilidade no mós tenki hatene oinsa mak tau matan no kuidadu natureza״.nia informa

Nia akresenta ekuasaun  uza sasán sira atu tulun no proteze ambiente, oinsá mak ema aplika buat sira ne’e no hahú hare husi kondisaun no natureza katak natureza ne’e fo han no fó hemu ba ema hot-hotu inklui iha fatin hanesan foho no iha rai-tetuk.

ʺTanba ne’e hanesan mundu modernu hakarak buat hotu lais hanesan fabrika, Maibe hanesan nakonu ho plastiku, mota laran, tantu sidade no foho ne’ebe nakonu ho plastiku no lixu, agora ne’e oinsa Ita haree natureza nakonu ho inan tanba ne’e Ita hanesan Ema tenki tau matan ba Rai ne’e  hanesan Ita Nia Rai״. Nia dehan

Enkuantu, serimonia ne’e hetan partisipa husi parseiru sira hanesan United Nations Development Programme (UNDP), Representante Uniaun Europeia (UE), Administrador Munisipiu sira, Organizaun Nasionál no Internasionál sira.

Jornalista   :  Aquelina da Conceição Mangalhães & Vitoriana Brites

Editora       : Flavia Oliveira Ximenes