Durante Semana Ida ! Ema 1 Mate & Familia 125 Hetan Afetadu
SAPNewsTL, DILI- Autoridade Protesaun Civil(Sigla Portugues APC), regista kazu familia afetadu ba dezastre naturais husi munisipiu Aileu, Baucau, Covalima, Ermera, RAEOA no Viqueque hamutuk 125.
Tuir porta voz, Sekretariu Relasaun Externa Nelson Nunes De Orleans hateten katak durante semana ne’e, iha rejiaun Timor-Leste normal no akontese tipu dezastre maka CNOPC-APC rejistu Uma hamutuk xefe familias 125 husi munisipiu ne’en(6)
“Hahu iha loron 20-26 Fevereiro 2024, durante semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi familias 125 mak hetan estragus (Mate 1) ho liu-liu iha munisipiu sira hanesan Aileu anin sobu uma kain ida(1),Baucau hamutuk 12,Covalima ahi han uma ida(1), Ermera anin sobu uma 3 no rai halai ida(1),RAEOA be’e sa’e estrada uma kain 102 no ema nain ida(1) mate,Viqueque anin sobu uma kain lima(5)”. Dehan Xefe Sek. Relasaun Externa -Groc-APC Nelson Nunes de Orleans ba Jornalista Sira iha APC Caicoli, Segunda-feira(26/02/2024)
Nia informa katak familia sira ne’ebe mak hetan afetadu ba dezastre ne’e Komandu APC munisipiu ho Parseirus relevante fornese asistensia emerjensia ba familia hanesan ai han (food item & Non-food Item). Komando Operasional Autoridade Protesaun Sivil (APC) munisipiu sira sei kontinua halo levantamentu detaillus kona-ba sasan ne’ebe estragus no lakon.
Nia haktuir katak sira servisu hamutuk ho parte bombeirus, risku gestão de dezastre no parte Estatal hodi entrega fali relatoriu ba diresaun Nasional Gestaun Risku Dezastre (DNGRD) atu rekoperasaun ba uma vitima sira, responde emergensia ba vitima no halo verifikasun ba dadus ne’ebe mak foti ona.
“Husi parte sistema APC nian ba relatoriu ka dadus sira ne’ebe foti ona, sei mai iha APC depois entrega fali ba DNGRD hodi halo rekoperasaun ba Uma vitima sira. Ami tenki responde emergensia,maibe rekoperasaun ne’e depois ami sei halo fali verifikasun ba dadus sira ne’e tebes duni ka lae, no iha ne’e ami servisu hamutuk ho parte Bombeiros, risku gestaun de dezastre no mos parte husi Estatal nian, ami tun hamutuk halo kedas atuasaun ba vitima sira ne’ebe mak hetan dezastre ne’e”. Nia Informa
Autoridade Protesaun Civil rekomenda ba familia no komunidade sira hotu atu toma atensaun ba fatin risku sira hodi prevene an antes hodi asegura familia no komunidade sira husi risku dezastre naturais.
Reportagen: Antonina Lopes Da Silva