“Jornalista Tenki Dixiplina & Asume Responsabilidade”

SAPNewsTL, Dili : Dosente Universidade Nasionál Timor Lorosa’e (UNTL) Agustinho de Sousa husu jornalista SAPNewsL atu kontinua mantein dixiplina, pontual, brani no asume responsabilidade tuir koridor kode étika jornalismu.

Iha ita nia moris save ne’ebe importante no fundamental liu maka uluk nanain maromak, maromak sai save ba ita nia moris, iha relasaun ho maromak ne’e maka ita nia fiar entaun servisu hotu-hotu ne’ebe ita halo ne’e ita tau konfiansa hotu ba maromak, imi nia an hanesan jornalista uluk nana’in ita tau konfiansa ba maromak, orasaun maka fo folin ba ita nia moris, ita presiza kuda devosaun ba nain feto, tau tuir Dom Bosco nia hanorin dehan habelar devosaun nain feto nian, imi sei haree saida maka naran milagre, nune’e mos jornalista sira iha SAP News presiza kuda devosaun  ba nain feto no mos kuda devosaun ba padroeiru Saun Francisco de Sales nu’udar jornalisa atu imi mos bele sai hanesan ema jornalista ne’ebe diak.

Ita ema sarani kristaun katólika ita nia identidade maka kristaun katolika identidade no identidade pesoal katak ha’u ne’e ema ne’ebe, hosi ne’ebe, oinsa, badak ka ain aas entaun ne’e identidade pesoal ema ida-idak nian, ha’u Timoroan hanesan ema sidadaun ida maka ha’u tenki iha identidade nasionalizmu, patriotizmu no timorizmu, Agora ha’u hanesan mestre, uluk lakoi sai mestri tanba tauk, ha’u la brani, todan liu, difisil liu mai ha’u no mestri ne’e ha’u la serve maibe ikus mai ida ne’ebe ha’u lakoi ne’e maka maromak fo mai ha’u entaun ha’u sai fali mestri entaun funsaun ohin loron ne’e hanesan mestri, ha’u sai mestre laos tan ha’u maibe tanba maromak.

Nune’e, iha mundu jornalismu, jornalista sira tenki hatudu dixiplina, pontual, brani no asume responsabilidade ho buat ne’ebe bele hodi sente katak ha’u servi ha’u nia rain, ha’u nia povu no ha’u nia nasaun.

Mídia SAPNewsTL foin hari’i, maske foin hahú la’o, ema la haree, ema nia matan no fuan taka ba SAPNews, maibe SAPNews nia matan no fuan la taka, tilun no domin ba Timor-Leste. Knar ne’ebe jornalista SAPNews halo hanesan ho papel ne’ebe jornalista sira seluk halo iha mídia nasionál sira, so diferente iha naran mídia maibe kobertura hanesan ho sentidu responsabilidade hanesan, hotu-hotu hanesan servidor ida iha mundu jornalismu.

Tan ne’e, ha’u husu ba jornalista sira iha mídia foun ne’e, imi keta lakon esperansa, keta fuan kiik, imi tenki servi ho pasiénsia, domin, dedikasaun, aten brani, forte hodi hakat neineik ba oin ho kbiit maromak nian.

Ha’u nia esperansa, loron ida mídia ne’e sei sai diak no profisional iha Timor-Leste, ohin bele iha situasaun ne’ebe difisil, maibe to’o loron ida imi bele sai furak, estétiku no diferente iha ema nia matan. Hein katak SAPNews sai tilun, ibun no forsa ba povu Timor-Leste, imi sei sai heroi foun ba povu no nasaun ne’e.

Jornalista : Ermelinda Soares