PR Halo Vizita Dahuluk Ba Quartel Geral Fatuhada, Dr. Horta Kongratula F-FDTL
![](https://sapnewstl.com/wp-content/uploads/2022/07/index-19.jpg)
SAPNewsTL, Dili, 04/07/2022 : Presidente da Repúblika e Comandante Supremo das Forças Armadas Dr. José Manuel Ramos Horta Simu ofisialmente husi Ministro Defeza Filomeno Paixão no Comandante Geral F-FDTL Falur Rate Laek iha Quartel General Fatuhada Dili.
Iha intrevista, Presidente Repúblika Dr. José Manuel Ramos Horta haksolok no fo Parabens, tanba progresu F-FDTL diak tebes durante Tinan ruanulu (20).
“Ha’u haree evolusaun positivu progresu neneik vinte anos (Tinan 20) ne’e signifikadu tebes lori vinte anos para dezenvolve, i seidauk kompletu tenki aselera tinan 5 ka 10 mai, Iha misaun forsas nian defini husi ita nia konstituisaun Defesa no independénsia Integridade Soberania maibe iha kontextu de paz”. Tenik PR. Dr. José Manuel Ramos Horta ba Jornalista sira iha Fatuhada, Dili, 04/07
Nia hatutan F-FDTL mos halo apoiu ba PNTL kuandu presiza liliu iha fronteira ou dalaruma iha situasaun Desastres Naturais, bele dezenvolve liu tan unidade médika, unidade engenharia diak liu tan para forsas mos sempre presente iha Aldeia sira ajuda rehabilita eskola, rehablita estrada ruma monu.
Iha fatin hanesan Xefe Estadu ne’e sublinha forsa Suficiente, Suficiente Tanba forsas laos kilat no laos deit sira nia preparasaun tékniku ba Militar Operasional iha buat barak tan presiza liu
“Ita nia rekursus mos haksoit ba oin, ita nia Estadu iha kotuk exemplo Sistema manutensaun, Sistema logistika no parte Seguransa marítima nian seidauk Dezenvolve, Ita esforsu Foun ho meios forsas Navais ho meios Aereos buat barak La’o dadaun no hadia liutan buat ne’ebe Ha’u haree, Ha’u hatene iha Nesessidade ne’ebe nafatin”. Dehan nia
Entertanto Presidente Repúblika mos enkoraja F-FDTL atu kontinua Sira nia misaun iha Instituisaun no Servisu hamutuk ho Instituisaun relevante sira hotu no Entidades sira hotu.
“Imi nia misaun, ita hotu-hotu nia Instituisaun garante no Instituisaun sira seluk sei proteze povu sira ba iha desastre hanesan Desastre Natural, sira mos iha linha da Frente hamutuk ho Bombeiros Sira, Polísia sira. Xefe Suku no Xefe Aldeia no mos ita nia Politika Governo nian aumenta tan Parte Engenharia no parte medika nian”. Nia hakotu
Jornalista: Vinsensius Morais Araujo & João Marito