Manan Iha KN FBATL, Boxista Simu Prémiu 200 USD
Imajem : Boxista na’in rua atake malu iha rin leten, iha jinajiu desportu Dili segunda (20/05/2024).
SAPNewsTL, Dili: Boxista senior manan nain dahuluk iha Kampionatu Nasional (KN) realiza husi Federasaun Boxe Amadora Timor-Leste (FBATL) simu premiu 200 USD, medalla no sertifikadu.
“Premiu ba ita nia boxista manan nain sira iha kampionatu nasional boxe amadora Timor-Leste ne’e ba manan nain junior, manan nain dahuluk ami fo premiu orsamentu montante 150 USD, medalla ho sertifikadu, daruak simu 125 USD, medalla ho sertifikadu, datoluk boxista nain rua kada boxista ida simu 100 USD, medalla ho sertifikadu”.
“Enkuantu, ba ita nia boxista senior, manan nain dahuluk simu orsamentu montante 200 USD, medalla ho sertifikadu, daruak hetan 150 USD, medalla ho sertifikadu, datoluk boxista nain rua kada ida simu 100 USD, medalla ho sertifikadu”, dehan prezidente komisaaun organizador kampionatu nasional Boxe Amadora Timor-Leste João Eugenio C. da Silva ba jornalista SAPNewsTL iha jinajiu desportu Dili segunda (20/05/2024).
Prezidente komisaun hatutan, premiu orsamentu ne’e boxista simu direita iha envelope, boxista sira mak hetan premiu ne’e hamutuk nain-70, kada klase ida husi klase 48 kg, 51 kg, 54 kg, 57 kg, 60 kg no 61 kg boxista nain haat mak simu premiu.
“Ami la fo plaka, nune’e husu direita ba boxista orsamentu temi ne’e los ka Lae?, boxista feto ne’e sira hala’o jogu ezibisaun deit entaun sira fo orsamentu montante 133 USD ba kada boxista ida”. Nia informa
João informa tan, premiu sira ne’e sira hetan apoiu husi governu liu husi Ministériu Juventude Desportu Arte Kultura (sigla portuges MJDAC), boxista sira kompete iha kampionatu nasional boxe amadora Timor-Leste ne’e hamutuk 209 inkui feto nain neen, boxista partisipa kampionatu nasional ne’e ba kategoria senior ho junior.
“Nune’e senior iha boxista nain-38 ho junior nain-166 no feto nain neen mai husi klube 23 iha Munispiu Dili no asosiasaun husi munisipiu ualu, loron kompetisaun hahu iha loron 13 to’o 20 fulan maiu 2024”.
Nia salienta tan, kampionatu nasional ne’e objetivu komemora loron aniversariu independensia Timor-Leste nian ba 22 no halo selesaun nasional ba atleta sira ba jogu Sea Games 2025, kampionatu nasional ne’e hetan apoiu masimu husi governu liu husi MJDAC ho orsamentu montante 20.000 USD.
Reportajen: Augusto dos Santo