Fulan 6, Estudante EBC Luro Seidauk Uza Kadeira & Meza Iha Prosesu Ensinu

Imajem : Estudante EBC 1⁰ no 2⁰ siklu la uza kadeira no meza ba prosesu ensinu aprendijajem, iha postu administrativu Luro, munisipiu Lautem, 21/06/2024

SAPNewsTL, Lautém : Estudante 1⁰ no 2⁰ siklu  husi Ensinu Baziku Sentral Luro (EBC Luro sigla Portugues) hetan tan edifísiu foun unidade ida maibe to’o oras ne’e seidauk tur iha kadeira no uza meza hodi tuir prosesu ensinu aprendizajen tanba ministériu edukasaun la fo atensaun durante fulan neen (6) maske simu ona pedidu hosi eskola refere.

Edukasaun mak prosesu ida ne’ebé ema aprende koñesimentu, abilidade, no valor sira liu husi ajuda ema dezenvolve sira-nia kapasidade inteletuál, físiku, no moral, iha ne’ebé ho objetivu atu prepara ema bele moris di’ak iha sosiedade, hetan servisu, no kontribui ba sira-nia komunidade. Edukasaun atu ajuda dezenvolve pensamentu krítiku, kreatividade, no abilidade rezolve problema iha presente no futuru.

Infraestrutura ba dezenvolvimentu edukasaun iha area rural importante tebes tanba bele fasilita foinsa’e sira aprende ho diak no konfortavel, iha ne’ebe fo oportunidade di’ak liu ba labarik sira-nia futuru, ajuda adolesente sira komprende mundu, promove dezenvolvimentu nasionál, redús pobreza no desigualdade iha futuru.

Ligadu ho problema laiha kadeira no meza ba foinsa’e sira, Diretor Ensinu Baziku Sentral Luro Filipe Soares informa edifisiu foun unidade ida halo ona maibe seidauk kompleta fasilidade sira, nune’e to’o agora estudante sira sei tur deit iha azuleju hodi tuir aula.

“Kona-ba 1⁰ no 2⁰ Siklu Ensinu Baziku Sentral Luro ninian ne’e atu informa katak kondisaun ne’e la favorese ba labarik sira, edifisiu halo ona maibe kadeira no meza laiha, estudante sira tur deit iha azuleju tuir aula, ida ne’e nia impaktu ne’e orsida bele moras no difikulta tebes ba prosesu ensinu aprendizajen nian”. Katak Diretor EBC Luro Filipe Soares ba jornalista SAPNews iha nia knaar fatin Luro, 21/06/2024

Filipe hatutan, bazeia ba falta meza no kadeira, “Ami hato’o pedidu no proposta mobiliáriu nian ba diresaun munisipal no nasional, proposta hirak ne’e dala barak ko’alia fila fila ona, haruka beibeik ba parte kompetente maibe seidauk atende to’o agora”.

Diretor eskola ne’e dehan kondisaun la favoravel ba estudante sira, manorin sira labele garante estudante nia kualidade konsentrasaun durante hanorin, tanba ne’e husu ba Ministériu Edukasaun atu oferese fasilidade sira hanesan kadeira no meza, nune’e bele uza hodi tuir ensinu aprendizajen.

“Ita-nia esperansa mak eskola atu sai kualidade maibe kuandu kondisaun la favorese, ita bele ko’alia maibe kualidade ne’e mosu liu husi ne’ebe ? Ha’u nu’udar diretor eskola situasaun ida ne’e presiza duni mobiliáriu, husu ministériu edukasaun hodi ajuda kadeira no meza, atu estudante sira bele tur partisipa ensinu aprendizajen ho diak no seguru”. Tenik Diretor

Diretor Filipe hateten kondisaun la favoravel ba estudante sira labele garante nia kualidade tanba ne’e husu atu oferese fasilidade sira hanesan kadeira atu bele tur hodi tuir ensinu aprendizajen.

Iha sorin seluk, Diretor Servisu Edukasaun Munisípiu Lautém Anibal Fernandes haktuir nia parte rekunhese preokupasaun ne’e no hato’o ona pedidu ba nasional, nune’e meza no kadeira ne’e sei prosesa, maske seidauk fo resposta pozitivu maibe hein katak Ministériu Edukasaun bele responde nesesidade refere ho urjente.

“Problema laiha kadeira no meza iha Ensinu Baziku Sentral Luro 1⁰ no 2⁰ Siklu, ita hato’o ona pedidu ba nasional maibe sei iha prosesu laran, ita hein atu responde nesesidade urjente ne’ebe estudante sira hasoru liliu ita-nia estudante falta meza no kadeira, ita bele kompleta, ita husu hodi bele responde ida ne’e”. Anibal hato’o

Entretantu, Ensinu Báziku Sentral Luro hetan edifisiu foun unidade ida iha tinan 2023 maibe to’o agora seidauk hetan kadeira no meza ba edifisiu foun refere, to’o ohin loron estudante sira sei tur deit iha azuleju hodi tuir prosesu ensinu aprendizajen.

Hafoin notísia ne’e publika iha Plataforma mídia online SAPNewsTL iha loron 24 Junhu, iha ne’ebé hetan reasaun no krítika makaas hosi públiku ba ministériu edukasaun durante loron rua, iha loron 27 Junhu 2024, ekipa diresaun edukasaun nasionál apoia kedas kadeira hamutuk neenulu (60) no meza hamutuk neenulu (60) hodi fasilita estudante sira iha Eskola Ensinu Baziku Sentral Luro 1⁰ no 2⁰ Siklu.

Entretantu, Ensinu Báziku Sentral Luro hetan edifisiu foun unidade ida iha tinan 2023 maibe to’o agora seidauk hetan kadeira no meza ba edifisiu foun refere, to’o ohin loron estudante sira sei tur deit iha azuleju hodi tuir prosesu ensinu aprendizajen.

Hafoin notísia ne’e publika iha Plataforma mídia online SAPNewsTL iha loron 24 Junhu, iha ne’ebé hetan reasaun no krítika makaas hosi públiku ba ministériu edukasaun durante loron rua, iha loron 27 Junhu 2024, ekipa diresaun edukasaun nasionál apoia kedas kadeira hamutuk neenulu (60) no meza hamutuk neenulu (60) hodi fasilita estudante sira iha Eskola Ensinu Baziku Sentral Luro 1⁰ no 2⁰ Siklu.

Imajem : Diretor Servisu Edukasaun Munisípiu Lautém Anibal Fernandes

Entretantu, Ensinu Báziku Sentral Luro hetan edifisiu foun unidade ida iha tinan 2023 maibe to’o agora seidauk hetan kadeira no meza ba edifisiu foun refere, to’o ohin loron estudante sira sei tur deit iha azuleju hodi tuir prosesu ensinu aprendizajen.

Hafoin notísia ne’e publika iha Plataforma mídia online SAPNewsTL iha loron 24 Junhu, iha ne’ebé hetan reasaun no krítika makaas hosi públiku ba ministériu edukasaun durante loron rua, iha loron 27 Junhu 2024, ekipa diresaun edukasaun nasionál apoia kedas kadeira hamutuk neenulu (60) no meza hamutuk neenulu (60) hodi fasilita estudante sira iha Eskola Ensinu Baziku Sentral Luro 1⁰ no 2⁰ Siklu.

Imajem : Ministeriu Edukasaun oferese kadeira no meza ba Eskola EBC Luro iha loron, 27/06/2025.

Hafoin simu kadeira no meza, Diretor Ensinu Baziku Sentral Luro Filipe Soares fo agradese ba SAPNewsTL tanba bele halo kobertura no halo publikasaun hodi fo influensia ba desizaun ministériu edukasaun nian, ikus mai bele oferese kadeira no meza ho urjente ba estudante sira.

“Ha’u hakarak lori estudante no professor sira-nia naran hodi fo agradesimentu ida klean tebes ba SAPNews tanba bele mai haree no halo entrevista hodi fo sai ami-nia lian ba ukun na’in sira liliu ministériu edukasaun bele apoia kadeira no meza ba estudante sira iha Luro”.

Imajem : Diretor Ensinu Baziku Sentral Luro Filipe Soares iha Luro, 28/06/2024

Filipe hatutan, “la haluha agradese mós ba ministériu edukasaun tanba bele tulun no fasilita kadeira no meza ba estudante sira, ida ne’e bele ajuda labarik sira aprende ho diak no seguru durante prosesu ensinu tanba tur iha kadeira no uza meza hodi hakerek”. Nia agradese

Estudante iha Eskola Ensinu Baziku Sentral Luro 1⁰ no 2⁰ Siklu ne’ebé tur iha azuleju hamutuk ualunulu resin tolu (83), maske hetan ona apoia maibé apoia refere seidauk naton ba estudante sira hodi uza, nune’e nia parte kontinua husu ba ministériu edukasaun hodi fasilita kadeira, meza no livru ba estudante sira iha future tanba sira mak fini no esperansa nasaun nian.

Eskola Ensinu Baziku Sentral Luro iha filial hamutuk hitu (7) hanesan Eskola Filial Abere, Eskola Filial Ailarino, Eskola Filial Ussufaço, Eskola Filial barikafa, Eskola Filial Alaira, Eskola Filial Buanomar, no Eskola Filial Cotamuto.

Jornalista : Ermelinda Soares