Milagre ! Ostia Naben Sai Ran & Mer Hanesan Masin Iha Ibun-Laran

SAPNewsTL, Viqueque : Ohin mosu milagre ida ba inan feton ida husi Paroquia Nossa Senhora do Rosario de Fatima Uatolari katak ostia nakfila ba ran no mer hanesan masin iha nia ibun-laran, wainhira nia simu husi Padre Selebrante.

Tuir informasaun ne’ebe SAPNews asesu liu husi video ne’ebe viral iha sosial media katak inan feton ne’e partisipa iha ninia tia ida nia misa matebean no simu ostia santa, hafoin simu nia fila ba tur no nata, ikus mai kominiaun ne’e naben sai ran no mer iha ibun laran.

“Inan Feton ne’e ba simu kominaun fila fali ba tur iha fatin, derepente ostia komesa been no nia senti ran maibe meer hanesan masin”. SAPNewsTL Screeshot, Uatulari, 27/07/2024

Tuir video ne’ebe viral ne’e hatudu, inan feton ne’e tanis no hakilar, taka liman nakonu ho matan-ween hodi temi Jesus Kristu nia naran.

“Jesus, Ha’u tau ostia iha ibun-laran, ha’u sente kedas naben sai ran no mer hanesan masin iha ibun laran, ha’u sente kedas nia mer desde padre ne’e fo kominiaun ba ha’u, ha’u sente hanesan milagre boot ida tanba durante ne’e ha’u simu nunka mer no ran hanesan ne’e”. Inan feton ne’e tanis no dehan iha Uatulari-Viqueque, 27/07/2024

“Ha’u nia kolega sira dehan, ha’u muta ran maibe lae, ha’u komunga mak ostia naben no sai ran iha ha’u nia ibun laran”. Nia dehan

Inan feton ne’e konsidera akontesimentu ne’e nu’udar milagre no grasa ida tanba durante ne’e nia hasoru moras no halo orasaun beibeik, ohin bele mosu milagre ne’e ba nia iha misa laran.

“Ha’u sente ida ne’e hanesan milagrae boot no grasa ida tanba durante ne’e ha’u moras, ha’u husu ba Maromak no ohin ida ne’e hatudu duni ba ha’u”. Nia agradese

Enkuantu, situasaun ne’e mosu iha ámbitu misa ba matebean ida iha Postu Administrativu Uatulari, Munispiu Viqueque.

Jornalista : Marciana Fernandes