Truck Baku-Fila Iha Hato-Builico, Resulta Ema Barak Sofre Kanek
Imajem : Karreta Truck baku fila iha Postu Hato-Builico, 27/10/2024.
SAPNewsTL, Ainaru : Karreta truck ho xapa matríkula A. 54.105 sofre asidente iha Hato-Builico, hafoin halo lia iha postu administrativu Maibisse, Munisípiu Ainaru.
Komunidade hosi Postu Administrativu Zumalai, Munisípiu Covalima hamutuk limanulu resin ho karreta truck ida halo lia iha Postu Maubisse Munisípiu Ainaru, hafoin halo lia sidadaun hirak ne’e sofre asidente iha postu Hato-Builico.
Tuir informasaun ne’ebé SAPNews asesu katak komunidade sira sofre asidente iha postu administrativu Hato-Builoco, Munisípiu Ainaru.
Iha asidente ne’e passajeiru barak sofre kanek, iha ne’ebé balun kanek todan, kmaan no la kanek, maske nune’e maibé grasa Maromak nian la rejista ema mate.
Durante akontesimentu, polísia Ainaru to’o kedas fatin akontesimentu hodi halo identifikasaun ba kauza hosi insidente refere.
Enkuantu, vítima hirak ne’e transporta ona ba Ospitál Referál Maubisse hodi halo tratamentu emergénsia ba sira ne’ebé kanek todan tantu kanek kmaan.
Notísia kompletu SAP News TL sei rekolla no publika iha oras balun tuir mai.
Jornalista : Antonina Lopes Sarmento