Xanana Rekuñese Difisil Dada Greater Sunrise ! Tinan Oin Diskute Fronteira Ho Indonesia
Imajem : Primeiru Ministru Kayrala Xanana Gusmão iha Uma Fukun Parlamentu Nasionál, 06/11/024. Foto : Media PM
SAPNewsTL, Dili : Durante debate Orsamentu Jeral Estudu (OJE) tinan 2025, Primeiru Ministru Kayrala Xanana Gusmão hateten nia parte rekunhese katak dada greater Sunrise la fasil maibe optimista katak sei dada mai Timor-Leste.
“Projetu greater sunrise la fasil, maibe ita sei iha nafatin enkontru ho Australia no enkontru kompanha sira iha Australia. Greater Sunrise la’os fasil, ita sei la hakiduk, tanba ne’e ita nian”.Tenik Primeiru Ministru Kayrala Xanana Gusmão iha Uma Fukun Parlamentu Nasionál, 06/11/024
Xefe Governu ne’e hatutan, maske greater sunrise dada tiha ona ba Austrália maibe to’o loron ida sei dada mai Timor-Leste tanba ne’e rikusoin timoroan nian.
“Greater Sunrise dada tiha ona ba Austrália, ha’u labele promete katak los ona, maibe atu dehan katak prosesu la’o diak. Ha’u hasoru ona Primeiru Ministru Austrália dala rua, ha’u dehan, ha’u sei ba vizita Austrália wainhira asina greater sunrise, ita husu boot, ita sei manan no ita sei dada mai, ida ne’e mak esforsu makaas no komprimisiu atu defende ita nia rekursu”.Xanana deklara
“Ita labele husik deit ita-nia Recursos, ne’ebé natureza fó tiha ona mai ita, atu bele uza hodi dezenvolve no progride. Ita sei investe iha setor petróleo no recursos minerais liu husi investimento de 40,5 milhões de dólares, no ita sei avança ho desenvolvimentu Greater Sunrise nian ho investimentu de 12 milhões de dólares”.Nia hateten
Lider Eminiente G7+ ne’e informa nia parte hasoru malu ona ho Prezidente Repúblika Indonesia Prabowo Subianto oinsa bele diskute fronteira terrestre no marítima ho Indonesia.
“Se bele tinan oin, ita bele diskute ona kona-ba fronteira terrestre no maritima ho indonesia”.
“Ami sei esforça-an maka’as nafatin atu estabelece fronteiras terrestres no marítimas ho Indonésia. Ida ne’e, prioridade nasional ida, la’ós deit atu kompleta funu naruk kona-ba soberania, maibé mós atu hetan segurança jurídika no téknika kona-ba recursos iha espasu marítimo iha ita ninia jurisdisaun, no ne’e hotu sei permite mai ita atu implementa políticas de economia azul nebé sustentáveis”.Nia informa
Enkuantu, OJE tinan 2025 ne’ebe governu dasia propoen hamutuk billion 2.617, ohin governu hahu aprensenta ba Parlamentu Nasionál iha debate jeneralidade durante moron tolu (06-08/11/2024), hafoin sei kontinua ba debate espesialidade to’o loron 25 fulan Novembru tinan ne’e.
Jornalista : Marciana da Conceição