Loron Juventude ! Virgílio Cardeal Husu Jovens Estuda Makaas & Tane Aas Heroi Sira

Imajem : Dom Virjilio Cardeal Do Carmo Da Silva, iha igreja Paroquia Motael,Tersa(12/11/2024).

SAPNewsTL, Díli – Durante selebrasaun misa agradesimentu hodi relembra hikas memoria Masakre Santa Cruz 12 de Novembru ba XXXIII, Dom Virgílio Cardeal Do Carmo Da Silva husu foinsa’e Timoroan sira atu louva no tane as ispíritu sakrifísiu heroi sira nian.

Iha homilia Dom Virgílio Do Carmo Da Silva hateten, hanoin fila-fali akontesimentu tinan 33 liu ba kona-ba Masakre Santa Kruz, hanoin fila-fali ba kotuk hodi louva no tane as ispiritu sakrifisiu heroi sira nian, no hanoin fila-fali hodi agradese ba Maromak ba buat hotu ne’ebe Na’i Maromak halo.

“Ho espiritu ida ne’e mak ohin ita halibur hamutuk iha ne’e atu hanoin ba kotuk,maibe hanoin mos ba oin, hanoin ba kotuk ita louva no tane as, espiritu sakrifisiu ita nia heroi sira nian, ita tane as sira nia ispiritu patrotismu ba rai ida ne’e nia diak no ba Timor nia libertasaun”.Dehan Dom Virjilio Cardeal Do Carmo Da Silva, iha nia homilia bainhira prezide misa agradesimentu 12 de novembru, iha igreja Paroquia Motael,Tersa(12/11/2024).

Lider masimu Igreja katolika Timor-Leste ne’e akresenta, momentu kmanek ida ne’e konvida timoroan hotu-hotu atu hato’o agradesementu ba Maromak ba buat hotu-hotu ne’ebe povu timor simu liu husi eventu masakre santa kruz, tan ne’e iha eventu istóriku ne’e bele haree malu hanesan maun alin, hanesan Jesus nia harohan hodi moris iha unidade nia laran

“Dalan diak ne’ebe sai ezemplar ba ita hotu mak harohan ba grasa ne’ebe mak bo’ot liu hotu mak unidade, nune’e heroi sira ne’eba mate ona atu sai ida deit ho aman, nia motivu sental iha nia orasaun mak unidade, liu husi ita nia orasaun ba sira iha eventu istotiku ida atu nai maromak bele simu sira iha reino lalehan”. Nia sublinha

Nia salienta, ohin Timor ne’ebe mak hetan ona nia independensia no libertasaun momentu ida presija ispitu ida ne’ebe matenek laos deit lalehan nian maibe rai nian, matenek lalehan nian atu hanorin Timor oan hotu-hotu hahu husi foinsa’e sira hatene lembra heroi sira nia espiritu patrotismu, hatene haree la’os hare deit ho matan maibe haree ho fuan, haree no hanoin hodi reflete.

“Ho espiritu ida ne’e, mak ohin ita halibur hamutuk iha ne’e atu hanoin ba kotuk, Foinsa’e sira ohin loron nian presiza ispíritu sakrifisiu ida ne’e nian hadomi ita rain”. Nia aprofunda

Entretantu, iha selebrasaun misa agradesimentu 12 de Novembru ba dala 33 no Loron Nasional Juventude ba dala 22 partisipa husi Vice-Primeiru Ministru Mariano Assanami Sabino, Xefi Estadu Falur Rate Laek,Tenente Jeneral Reformadu Lere Anan Timur, Sobrevivente sira, familia mate restu no povu Timor-Leste.

Jornalista: Marcela Mery & Marciana Fernandes