Rekonsiliasaun Liafuan Mamuk ! FRETILIN Preokupa Laiha Polítika Enkuadra Jovens Reflete Istória
Imajem : Sekretariu Jeral Partidu FRETILIN Mari Bin Amude Alkatiri iha semiteriu Santa Cruz, Tersa, 12/11/2024. Foto : Marciana da Conceição
SAPNewsTL, Díli — Sekretáriu Jerál Partidu Frenti Revolusionariu Timor-Leste Independente (FRETILIN sigla Portugués) Mari Bin Amude Alkatiri preokupa ukun na’in sira laiha polítika hodi enkuadra juventude sira atu refleta momentu istóriku 12 de novembru no ko’alia kona-ba rekonsiliasaun.
Lider FRETILIN Mari Bin Amude Alkatiri hateten, nia parte preokupa tebe-tebes ho ukun na’in sira, tanba ohin loron povu Timor-Leste selebra ona momentu istóriku 12 de Novembru Masakre Santa Cruz no loron nasionál juventude ba dala 22 maibé ukun nain sira laiha polítika atu bele depozita konfiansa hodi inklina juventude sira reflete ba memória.
“Rekonsiliasaun ne’e se mak sala, ha’u preokupa liu ohin ita selebra loron juventude sira nian maibé ita nia ukun nain sira laiha politika ida fo ba juventude konfiansa iha esperansa tanba ne’e mak ohin ha’u la tuur iha ne’eba tanba ha’u nia preokupasaun”.Dehan Sekretariu Jeral Partidu FRETILIN Mari Alkatiri ba Jornalista iha semiteriu Santa Cruz, Tersa, 12/11/2024.
Nia hatutan, ba futuru nasaun Timor-Leste sei entrega ba juventude sira, nune’e nia parte preokupa ho situasaun ohin loron, nai ulun sira la kria mekanismu hodi dezafia juventude sira, hateke ba futuru, dezenvolve setor edukasaun no saúde liu husi matenek ne’ebe sira hetan.
“Ita hanoin nafatin halo rekonsiliasaun lao ba oin maibé ha’u nia preokupasaun rai ne’e nia futuru iha juventude nia liman, se la iha polítika saida atu enkuadra joven sira iha prossesu desenvolvimentu, se iha polítiku ida atu hadia edukasaun, hadia saúde atu joven sira manan matenek, manan siénsia, manan teknolojia, se laiha politiku ida ne’e ha’u sei nafatin halo politika” Tenik nia.
Resesaun da politika atu bele fó reportajen, la iha modernu ne’ebé diak, entaun ukun nain sira tenki investe ideolojia politika ne’ebe nakonu ho esperansa hodi enkoraza jerasaun foun kria paz, estabilidade unidade, sai dalan efetivu ba modelu rekonsiliasaun.
“Liu husi ita nia fuan, ita nia laran laos ita halo rekonsiliasaun tanba buka votus, ida komisaun amizade ne’e balun ema uza deit, ha’u dehan entre povu Indonesia no Timor-Leste la presiza rekonsiliasaun, entedimentu entre estadu presiza verdade no lia lós atu ita iha amizade”.
Alkatiri argumenta, kanek ida ba FRETILIN rasik mak husu ona deskulpa ba FRETILIN nia sala, la presiza ema fó orientasaun, hanesan lider FRETILIN saida mak halo ida-idak nia sala, Timor tenki ba oin ida-idak tenke asume ba passadu, saida mak sala no instituisaun lider sira tenke asume.
“Agora ita taka hotu buat sira ne’e ko’alia deit mak rekonsiliasaun mamuk ne’e laos rekonsiliasaun, ha’u muda ba rekonsiliasaun, ha’u la tau propaganda, enkoraja sira iha prossesu ne’e mak rekonsiliasaun ho sira iha fatin ho dignu, atu bele maximiza prosesu desenvolvimentu laos nia bosok iha ne’ebá”.
Entretantu, Sekretáriu Jerál Partidu Frenti Revolusionariu Timor-Leste Independente Mari Bin Amude Alkatiri, husu ba ukun nain sira tenki investe ideolojia politika ne’ebe nakonu ho esperansa hodi enkoraza jerasaun foun kria paz, estabilidade no unidade sai dalan efetivu ba modelu rekonsiliasaun.
Jornalista : Dircia Baptista Belo