Polísia Kontrola Kampung-Baru ! Negosiante La Fa’an & Laiha Engrafamentu

Imajem : Dalan Públiku Kampung-Baru, Comoro Dili,18/11/2024. Foto : Marciana da Conceição

SAPNewsTL, Dili : Normalmentu kada loron iha oras loraik, negosiante barak fa’an iha area rotunda Nicolau Lobato Comoro hodi fa’an modo ka buka moris, maibe ohin Polísia Nasionál Timor-Leste hala’o seguransa no fo kontrolu maksimu, nune’e negosiante sira ohin la faan iha Kampung-Baru.

Ohin, Polísia Nasionál Timor-Leste (PNTL) nia ekipa ida halo kontrolu no fo seguransa ba merkadu Kampung-Baru tanba kada loron iha oras loraik, negosiante barak ba fa’an sira nia produtu iha rotunda Nicolau Lobato Kampung-Baru, 18 Novembru 2024.

Tuir observasaun Jornalista SAPNews iha terrenu nota katak loraik to’o oras kalan ne’e negosiante sira la fa’an sira nia produtu lokal liliu modo ka alimentasaun lokal sira iha kampung-baru tanba fatin refere hetan kontrolu hosi parte seguransa PNTL.

Wainhira negosiante sira la fa’an iha fatin refere, ladun iha engramentu makaas, iha ne’ebé sirkulasaun transporte públiku no privadu sira kontinua la’o normal tanba fatin ne’e la halibur ona ema barak.

Maske nune’e, maibé SAPNews observa katak sei iha negosiante ida-rua ne’ebé kontinua leba sira nia modo ka produtu hodi la’o tuir dalan no fa’an ba komunidade sira iha ne’ebá.

Jornalista : Marciana da Conceição