15 Janeiru ! MACLN Fo Sai Lista Veteranu Hamutuk 92.591
Imagem : Ministru ba Asuntus Kombatentes Libertasaun Nasionál Gil da Costa Monteiro “Oan-Soru” iha Salaun 3 de Março Maubai, 13/01/2025. Foto : Marciana da Conceição
SAPNewsTL, Díli — Ministru ba Asuntus Kombatentes Libertasaun Nasionál Gil da Costa Monteiro “Oan-Soru”, hala’o sorumutu hamutuk Sekretáriu Estadu bá Asuntu Veteranu (SEAV), Cesar dos Santos da Silva no Prezidente Conselho dos Combatentes de Libertação Nacional, Vidál de Jesus “Riak-Leman” inklui reprezentante Veteranu sira iha Nasionál no Munisipiu, 13 hodi diskute kona-bá “Desizaun Editál ba Segundu Rejístu veteranu 2009.
Tuir Ministru (MACLN) Gil da Costa Monteiro “Oan-Soru” hateten, Ministériu dos Asuntus Combatentes Libertação Nacional realiza sorumutu ida ne’e hodi diskute no termina rejistu veteranu 2009 no sei publika resultadu ikus iha loron 15 janeiru 2025, bazeia ba lei.
“Dadus Veteranu sira ne’ebé rejistadu dezde tinan 2009 ne’e mak to’o ohin loron, inan-aman sira hein hela, entaun iha eventu importante importante ne’e atu bele atualiza bá públiku prosesu assinatura editais ne’ebe valida ba segundu rejistu 2009,” Dehan, Ministru bá Asuntus Kombatentes no Libertasaun Nasionál (MACLN ), Gil da Costa Monteiro “Oan-Soru, iha Salão Tres de Março Maubai Comoro Segunda (13/01/2025)
Iha ambitu ne’e Ministru (MACLN) Gil da Costa Monteiro “Oan-Soru” enkoraja Prezidente Conselho Combatentes Libertasaun Nasionál sira husi Munisípiu 13, katak obrigatoriamente Prezidente sira tenki asina termu finais kona-ba lista rejistrasaun ikus 2009 nian, ho rajaun fortifika lista veteranu 2009, ne’ebe pendente durante tinan 14, hafoin hetan rejultadu ultimu iha 2024 bazeia ba verifikasaun dadus veteranu kada munisipiu 13 no RAEOA.
“Reuniaun assinatura editais ne’e atu hatudu ita hotu nia responsabilidade hodi dignifika no valoriza sira ne’ebe kontribui ba rai ida ne’e to’o balun hetan mate no balun sai mate restu to’o ohin loron, tamba ne’e ita boot sira sei asina lista editais segundu rejistu veteranu 2009 nian hodi hein publikasaun”Tenik Gil Oan-Soru
Nia aprofunda, bainhira veteranu balun husi munisípiu, mai reklamasaun ba sira nia direitu, Konsellu iha kompetensia atu interpreta hodi responde ba kestaun ne’ebe veteranu ka sobrevivente sira hato’o bazeia ba implementasaun lei ne’ebe vigor iha nasaun.
Aleinde sorumutu ne’e Ministru ba Asuntus Kombatentes Libertasaun Nasionál Gil da Costa Monteiro hamutuk ho Sekretáriu Estadu bá Asuntu Veteranu (SEAV) no Prezidente Conselho dos Combatentes de Libertação Nacional, asina mos termu editais segundu rejistrasaun veteranu 2009 kada Munisípiu sira.
Lista jeral hamutuk 92.591, MACLN sei fo sai iha loron 15 Janeiru 2024 iha Sede CCLN, Administrasaun Postu Administrativu no kada munisípiu iha teritóriu nasionál.
“Lista kombatentes hamutuk 92.591, entre sira ema ne’ebé hola parte iha eskalaun 20-24 hamutuk 14, 15-19 hamutuk 186, 8-14 hamutuk 9.375, pensaun ba ema ne’ebé defisiente ka inkapasidade de trabalho hamutuk 359, pensaun sobrevivente hamutuk ema 22.252, Prestasaun Pikunáriu Únika (PPU) 23.560, menuz de 3 anos 35.271, no sira ne’ebé naun kombatente hamutuk ema 1.574”. Niall informa
Tuir lei kombatente sira sei bele halo reklamasaun ba lista naran no identidade orijinal wainhira identidade orijinal ruma sei sala.
Entretantu iha sorumutu ne’e partisipa direita husi Ministru ba Asuntus Kombatentes Libertasaun Nasionál Gil da Costa Monteiro “Oan-Soru”, Sekretáriu Estadu bá Asuntu Veteranu (SEAV), Cesar dos Santos da Silva, Prezidente Conselho dos Combatentes de Libertação Nacional, Vidál de Jesus “Riak-Leman”, Prezidenti Konsello Kombatentes Libertasaun Nasionál sira husi Munisípiu no ekipa tekniku verifikasaun nasionál.
Jornalista : Guilhermino Ramos & Marciana da Conceição
