Dom Virgílio : Buat Ne’ebé Ksolok Liu Mak Jesus Nia Moris Hias

Imajem : Dom Virgílio Cardeal do Carmo da Silva.

SAPNewsTL, Díli : Sua Eminênsia Dom Virgilio Cardeal do Carmo da Silva SDB informa kulturalmente kada tinan sarani kristaun katolika halo abstinêsia no jejum atu purifika liu tan fiar ba maromak liu-husi tempu konvensaun, buat ne’ebé diak liu nonksolok liu mak Jesus Kristu nia moris hias husi mate.

Tuir mensajen paskua 2025 nian ne’ebe hato’o husi Dom Virgilio Cardeal do Carmo da Silva SDB sita kona-ba Nai Jesus Kristu nia terus no moris sias hodi dehan, tansa imi buka iha mate sira le’et ema ne’ebe moris hela, feto sira be tauk hakruk ba rai wainhira ema sira dehan. Tansa imi buka iha mate sira le’et ema ne’ebe moris hela.

“Nia moris hias ona, imi la hanoin buat ne’ebe nia dehan ba imi wainhira nia sei hela hamutuk ho imi, feto sira ne’e ba buka fali Jesus iha mundu mate sira nian, Jesus laiha ne’eba, feto sira ne’e tauk no hakruk ba rai husi rai husi rai sira la hetan resposta ba buat ne’ebe mai husi leten. Ida ne’e mós pergunta ne’ebe ita halo wainhira ita lakon ema ne’ebe ita hadomi”. Dehan Dom Virgilio Cardeal do Carmo da Silva ba Jornalista sira iha Salaun Camara Eclesiastica Lecidere, Quinta (17/04/2025)

Virgílio Cardeal subliña, hanesan feto sira ne’ebe iha Jesus nia rate, feto sira mós laiha korajen foti ita nia ulun nune’e ita sei la hetan resposta ne’ebe los, ne’e duni laos hakruk maibé foti ulun hateke ba leten, hateke ba lalehan husi leten sei hetan resposta tansa imi buka iha mate sira le’et ema ne’ebe moris hela, nia ema moris, moris iha nia no iha nia moris ida ne’ebe la hatene mate. Mate laiha tan kbiit atu sobu moris ne’ebe iha nia. Tanba nia iha kbiit ida eterna no inmortal.

“Imi ida la hanoin buat ne’ebe nia dehan ba imi wainhira nia sei iha imi le’et, los duni feto sira ne’e nia neon nakloke ba Jesus nia lia menon. Maromak oan ema sei saran ba ema liman, ema sei hedi nia ba krus liu tiha loron tolu nia sei moris hias, feto sira ne’e mós hanoin fali buat ne’ebe nia dehan. Moris ne’ebe saran tanba domin, sei la dodok no la aat maibé moris nia mai liu husi mundu ida mate nian atu hamamuk mundu ida mate nian ho mundu Maromak nian”.

“Wainhira nia tama iha mundu mate sira nian, nia hatama mós moris ida inmortal katak mate laiha tan ona kbiit, agora iha de’it mai mundu ida Maromak nian. Jesus nia liafuan ema be hakarak soi nia moris sei lakon nia maibé ema ne’ebe lakon nia moris tanba ha’u, sei hetan nia”.

Ema manan saida hodi manan mundu tomak maibé sei lakon nia moris ka troka nia moris ho saida, ema ida ne’ebe ita hotu buka hadomi tebes mak ida ne’ebe iha moris nia mak kristu, Nia mak kauza no rajaun ba ema sarani ida nia ksolok.

“Tan ne’e iha loron 40, ita sarani sira hadera aan halo jejum, abstinêsia no halo diak ba malu liu husi karidade, halo orasaun no harohan mak dalan ba ita sarani atu hola parte iha festa boot Jesus moris hias nian mak ita hotu nia esperansa”.

“Ksolok ne’ebe los, ita hetan iha ne’e, ita haksolok ba buat ne’ebe ohin iha maibé aban sei naben maibé tanba laran metin iha Maromak nia mak ita nia esperansa, esperansa la bosok, ksolok moris hias ida ne’e mak konvida ita timoroan sira, sarani ida-idak atu foti ita nia ulun, loke ita nia matan, hatene haree buat ne’ebe folin boot, buat ne’ebe as no buat ne’ebe diak liu iha moris ida ne’e mak ksolok ida mai husi Jesus moris hias”.

Dom Virgilio Cardeal do Carmo da Silva, mós hato’o Boas Festas Santa Paskua nian ba sarani kristaun katolika timoroan hotu atu hateke ba lalehan hodi moris tuir domin ne’ebe mai husi Nai Jesus Kristu.

“Ho espiritu Jesus moris hias nian, ha’u hakarak hato’o ha’u nia Boas festas santa paskua 2025 ba sarani hotu-hotu liuliu ba timoroan sira hotu laos deit iha rai laran maibé sira ne’ebe tanba servisu, estuda e balun mos tanba moras ne’ebe namkari lemo rai iha mundu, haksolok iha Jesus moris hias tanba nia hadomi ita” Nia hakotu.

Jornalista : Marcela Mery da Costa & Guilhermino Ramos