TL Preparadu Ba Jogu CPLP ! Atmosfera Ne’ebé Ksolok, Moris no Motivadu

SAP News TL, Dili : Komisaun konzunta halo preparasaun final ba abertura Jogu Desportivu CPLP 2025 iha estádiu munisipal Dili, 16 Jullu 2025.

Conzita Mota & Daniel Da Silva – SAPNewsTL

Ensaiu Final iha Estádiu Minisipal Dili ne’e hetan akompanhamentu husi Ministériu Juventude, Desportu, Arte, no Kultura (MJDAK), Nelyo Isaac Sarmento no Sekretáriu Estadu Kultura no Artil Jorge Soares Cristovão (SEAK).

“Atmosfera ida ne’ebé ksolok, moris, no motivadu tebes domina arena, tanba artista sira, dansadór kolosal sira, voluntáriu sira, tékniku sira iluminasaun nian, no pesoál protokolu nian hala’o ensaiu finál ba loron abertura nian”. Sita Média MJDAK, Dili, 16/07/2026

𝗣𝗿𝗲𝗽𝗮𝗿𝗮𝘀𝗮𝘂𝗻 𝗺𝗮𝗸𝗮’𝗮𝘀, 𝗶𝗻𝘀𝘁𝗿𝘂𝘀𝗮𝘂𝗻 𝘀𝗶𝗿𝗮 𝗻𝗲’𝗲𝗯𝗲́ 𝗸𝗹𝗮𝗿𝘂

Durante ensaiu jeral, Ministru Nelyo Isaac husu ekipamentu tékniku hodi garante fornesimentu eletrisidade oras 24 ba estádiu hodi prevene perturbasaun iha tempu feriadu. Nune’e mós, SEAK nia Jorge Soares Cristovão fó motivasaun ba treinadór sira no koreógrafu sira: atuasaun tenke sai hanesan “kolosal, unifikadór, no reprezentativu hosi CPLP” iha loron 19 fulan-Jullu.

𝗗𝗲𝘇𝗲𝗺𝗽𝗲𝗻̃𝘂 𝗞𝘂𝗹𝘁𝘂𝗿𝗮́𝗹 𝗞𝗼𝗹𝗼𝘀𝗮𝗹 𝗶𝗵𝗮 𝗧𝗲𝘀𝘁𝘂

Grupu dansa tradisionál sira, banda perkusaun sira, no grupu juventude kulturál sira pratika koreografia entrada nasionál, kombina elementu timoroan sira (tais, likurai, tebe-tebe) ho aprezentasaun multimédia modernu sira. Lampu sira no fogu artifisiál sira simula momentu loloos sira serimónia nian.

𝗟𝗼𝗷𝗶́𝘀𝘁𝗶𝗸𝗮 𝗗𝗲𝗹𝗲𝗴𝗮𝘀𝗮𝘂𝗻 𝗻𝗶𝗮𝗻 𝗞𝗼𝗺𝗽𝗹𝗲𝘁𝗮 𝗼𝗻𝗮

𝗞𝗼𝗺𝗶𝘀𝗮𝘂𝗻 𝗢𝗿𝗴𝗮𝗻𝗶𝘇𝗮𝗱𝗼𝗿𝗮 𝗸𝗼𝗻𝗳𝗶𝗿𝗺𝗮:

• Sentru Atletizmu prontu ona ba atleta sira ne’ebé partisipa;
• Otél selesionadu sira iha Dili fó konfortu másimu ba delegadu sira;
• Transporte ne’ebé koordena husi alojamentu ba treinamentu/kompetisaun sira;
• Prosedimentu seguransa hamutuk ho ekipa internasionál.

𝗠𝗲𝗻𝘀𝗮𝗷𝗲𝗻 𝗠𝗝𝗗𝗔𝗞

“Timor-Leste sente orgullu atu sai uma-na’in ba Jogu CPLP nian. Ami prontu atu fó ospitalidade ne’ebé di’ak tebes no garante esperiénsia ida ne’ebé labele haluha ba delegadu sira hotu.” – Ofisiál MJDAK nian.

𝗞𝗼𝗻𝘁𝗮 𝗯𝗮 𝗼𝗶𝗻

Ensaiu Jerál Finál fó sinál pozitivu ida katak Timor-Leste prontu atu simu CPLP. Serimónia Abertura Ofisiál: 19 Jullu 2025.

Lembra fali katak ohin ekipa hosi delegasaun Portugal hamutuk ema na’in 105 to’o ona Timor-Leste, enkuantu delegasaun sira seluk oras ne’e sei iha dalan mai Timor-Leste.

Simões Deklara Sei Hatudu Dixiplina & Lori Experiênsia Foun Hosi Jogu CPLP

Treinador no Ofisial husi Tênis, Filipe Simões sente kontente tanba primeira vez to’o Timor-Leste hodi partisipa iha jogu CPLP liu hosi modalidade Tenis Kampu.

“Ami mai iha ne’e representa federasaun Portuguesa husi Tenis, ami sei joga diak ho unidade, eventu desportu, kultura no seluk tan”. Hateten Treinador no Ofisial husi Tênis, Filipe Simões ba jornalista sira iha Aeroportu Nicolau Lobato Comoro, 17/07/2025.

Simões dehan, “Ne’e sai experiensia foun, momentu úniku, ha’u nunka mai iha ne’e, ami ho komitiva husi tenis, nune’e ami lori serteza no momentu diak iha moris tomak

Treinador ne’e afirma jogador sira sei hatudu dixiplina no respeita adversáriu hotu hahú hosi inisia to’o final.

“Ita tama ba eventu ne’e ho dixiplina, respeitu ba adversáriu hotu to’o remata iha jogu ida ne’e”.

Delegasaun hirak ne’e hamutuk na’in 105 pessoas kompostu hosi arbitragem, atleta no ofisiál sira.

Delegasaun Portugal to’o Timor-Leste ho Aviaun Aero Díli iha oras haleu tuku 11:30 dader.

Notisia kompletu bele akompanha transmissão direta hosi SAP News TL iha aeroportu Nicolau Lobato Comoro :

https://www.facebook.com/SAPNewsTimorLeste/videos/1270744638090763/?app=fbl

To’o oras ne’e Timor-Leste liu hosi komisaun organizador preparadu ona hodi realiza jogu CPLP ba dala XII.

Delegasaun husi Angola, Cabo Verde, Guiné-Bissau no São Tomé e Príncipe oras ne’e iha dalan mai Timor-Leste, Enkuantu Brazil no Guiné Equatorial la konsege partisipa iha eventu ne’e.

Delegasaun hosi Portugal to’o ho laran ksolok no esperansa nakonu no sira sei hela iha Otel Timor, Kolmera durante semana ida (17-27/07/2025).

Notisia kompletu Mídia Sapnews sei kontinua kolleta hodi aktuliza ba públiku.