Jogador Husi Nasaun 6 Kompete Jogu Xadres Iha CPLP 2025
Imajem : Simulasaun no Enkontru Tékniku Hosi Komisaun Organizador no atleta sira iha CCD, 21/07/2025.
SAPNewsTL, Dili: Jogador husi nasaun Timor-Leste, Angola, Portugal, Cabo Verde, Moçambique no São Tome e Principe sei kompete jogu xadres iha jogu CPLP 2025.
Augusto dos Santos – SAPNewsTL
“Ohin, ita realiza enkontru tekniku ba modalidade xadres iha CPLP 2025 hodi diskute regra hirak ne’ebe fahe ona ba nasaun 6 partisipa jogu CPLP, jogador sira mai husi nasaun neen mak Timor-Leste, Angola, Portugal, Cabo Verde, Moçambique no São Tome e Principe”, dehan prezidente FXTL Zeferino Tilman ba jornalista sira iha fatin kompetisaun CCD Merkadu Lama, Dili segunda (21/07/2025).
Prezidente hatutan, ohin dada mos sorteiu ba jogador hirak ne’ebe sei kompete ba kategoria tolu classic, standart no Repeat ho kategoria ekipa Blitz ba jogador sira, se mak atu hasoru malu depois naran jogador sira hatama hotu iha sistema hein orsida atu joga mak fo sai no jogu xadres hahu iha loron 21 to’o 25 fulan jullu 2025.
Zeferino informa tan, tuir orariu jogu xadres ohin enkontru tekniku deit aban mk hahu jogu maibe tanba jogu barak entaun komesa ohin loron 21 fulan jullu 2025 iha 15:00 OTL.
Nia afirma tan, jogu xadres iha realiza iha jogu CPLP 2025 hetan masimu husi federasaun xadres internasional (FIDE) no Federasaun Xadres Cabo-Verde servisu hamutuk ho Federasaun Xadres Timor-Leste (FFTL), arbitrajen sira mos sei mai husi nasaun neen kompete iha jogu CPLP.
