Traballador Timor Oan Ba Rai-Liur, Vise PM : Dezenvolvimentu TL Sura Ho Imi

SAPNewsTL, Dili :  Sekretario Jeral SEFOPE Julião da Silva asina akordo hamutuk ho traballador Timor oan ne’ebe sei desloka ba  Korea do Sul  hodi serbisu, Vise Primeira Ministra Armanda Berta dos Santos husu traballador sira servisu tuir regulamentu no servisu makaas hodi hadia ekonomia rai-laran tanba desenvolvimentu rai ne’e sura mos ho traballador sira hotu

“Ha’u tau adido nu’udar organizasaun ida atu hatudu ba imi hodi atinji metas ida, wainhira lori ba iha Nasaun Korea do Sul,  ita presiza hamutuk hodi suporta ita nia alin sira ba serbisu iha rai liur”. Dehan Sekretariu Jeral SEFOPE iha Salaun  Timor Lodge, Dili (12/08/2022).

Entretantu, traballador ne’ebe preparadu ba serbisu iha korea do Sul iha area rua, númeru traballador hamutuk atus ida hitu (107) kompostu husi feto nain ida (1)no mane atus ida neen (106)

“Inan aman sira atu hatudu deit katak sira ba serbisu iha Korea ba area rua deit peska no industria, ida ne’e risku la halimar. Ha’u atu husu transperénsia ba ita nia vice primeira ministra atu hatene husi munisipiu Aileu, Ainaro, Baukau, Bobonaro, Covalima, Manufahi Manatuto, Ermera, Liquisa, Viqueque, Lospalos, Oe-Cusse, no Dili, munisipio hotu-hotu maibe formasaun nee la hanesan ho formasaun sira seluk.” Nia haktuir

Entretantu Vise Primeira Ministra no Ministra Solidariedade Sosial no Inkluzaun Armanda Berta dos Santos hato’o mos agradese ba Guvernu Korea do Sul no Austrália ne’ebe fornese oportunidade de empregu ba Timor oan sira hodi hadia sira nia moris familia nian

“ita nia nasaun seidauk iha industria atu fo servisu ba Timor oan, tanba ne’e oportunidade ne’ebe ita boot sira hetan husi Guvernu Austrália no Korea do Sul, imi bele aprende liu tan iha area oioin, wainhira fila mai bele implementa iha ita nia nasaun”. Dehan Vise PM iha nia Diskursu

Entretantu, governante ne’e mos husu ba traballador sira atu kumpri lei no regulamentu sira ne’ebe estadu rua estabelese hodi bele hadia ekonomia rai-laran no hasa’e kresimentu ekonomia iha ita Timor-Leste

“Servisu iha ema nia nasaun tenki kumpri lei no regulamentu sira ne’ebe existe iha Nasaun Austrália no Korea do Sul, servisu no servisu makaas liu tan hodi hadia ekonomia nasaun no hasa’e kresimentu ekonomia Timor Leste, Desenvolvimentu nasaun ida ne’e sura mos ho traballador timor oan hotu nian”. Afirma Vise Primeira Ministra no MSSI

Enkuantu, serimónia despedida ba traballador Timor oan ba servisu iha Korea do Sul ne’e hamutuk atus ida hitu, kompostu husi Feto ida no mane atus ida neen, iha sorin seluk despedida traballador Timor oan ba servisu iha Austrália hamutuk atu ida ruanulu (120) kompostu husi feto sanulu resin haat no mane atus ida neen iha Timor Plaza

Jornalista  : Aquelina Taec & Esmeralda da Silva

Editor        : Ekipa Editorial