Nasaun Avansadu La Konsege, Droga Perigu Iha Mundu, Joven TL Kuidadu
SAPNewsTL, Dili : Relasiona ho Kazu Droga ne’ebe akontese iha Timor-Leste, Tuir Presidente da Repúblika Jose Ramos Horta hateten Familia ne’ebe mak envolve iha Rede Droga ne’e pertense ba polísia maibe nia mos la dun preokupa tanba nasaun avansadu mos la konsege taka problema droga
“Ha’u ladun preokupa ho ida ne’e, klaru preokupa ha’u hakarak haree Timor-Leste mos la iha Droga maibe ladun preokupa tanba ha’u haree problema Droga ne’e iha rai ne’e organizadu teb-tebes hanesan Europa la konsege taka problema ne’e hanesan singapura no indonesia la konsege”. Tenik Presidente da Republika DR.Jose Ramos Horta ba Jornalista sira iha Royal Thai Embaissy Dili, Segunda-feira(15/08/2022)
Entretantu, Xefe Estadu ne’e hatutan Timor-Leste estadu frazil bele hateten frazil nafatin, perigu para bele tama mais, enkuantu sira diak iha sosiedade ladun monu tentasaun portantu nu’udar lider nasional kontinua hato’o ba joven sira soe droga, soe violénsia kuidadu ho droga
Aman ba nasaun ne’e akresenta, kestaun droga ne’e entrega ba parte relevante hanesan polísia tanba ne’e parte ida krime
“Ha’u akompanha maibe ne’e pertense ba ita nia polísia sira, droga ita hotu hatene iha Timor-Leste nia krime iha ASEAN tomak, iha mundu krimi sei iha konsekuénsia kuandu iha timor oan ruma envolvidu karik, unika governo halo mak fo apoiu konsular, se ema seluk mak envolve iha rai laran tuir ita nia lei rasik”. Nia hateten
Jornalista : Marcela Merry da Costa & Aquelina Taec
Editor : Ekipa Editorial