Pontífise : Ema Nia Oin no Lian Ne’e Lulik, Prezerva Bá
Foto : Vatican News
SAP News TL : Loron Mundiál Komunikasaun Sosiál ba dala 60, ho títulu “Prezerva ema nia lian no oin sira”, Amu-Papa Leão XIV afirma katak oin no lian ne’e lulik. “Sira mai hosi Maromak, ne’ebé kria ita tuir nia ilas, ita tenke prezerva sira”.
Testu ne’e publika tradisionalmente iha memoriál litúrjiku Saun Francisco de Sales, padroeiru komunikadór sira-nian.
Mensajen dahuluk ne’ebé asina hosi Leão XIV fó hanoin katak oin no lian maka karakterístika distintiva sira hosi ema ida-idak nian, ne’ebé manifesta sira-nia identidade úniku no konstitui elementu konstitutivu hosi enkontru ida-idak.
“Oin no lian maka sagradu. Sira fó mai ita husi Maromak, ne’ebé kria ita tuir ninia ilas”, hakerek Amu-Papa. Nune’e, “prezerva sira” signifika prezerva reflesaun indelével Maromak nia domin. Sita husi Notísia Vatikanu, Vatikanu, 24/01/2026
Pontífise hatutan tan katak ida-ne’e lori ita atu reflete kona-ba dezenvolvimentu Intelijénsia Artifisiál no ninia abilidade atu simula ema nia lian no oin, nune’e liga ba núkleu komunikasaun no relasaun interpesoál sira.
“Dezafiu ne’ebé hein ita la’ós atu trava inovasaun dijitál, maibé atu orienta nia, atu iha konxiénsia kona-ba nia natureza ambivalente. Depende ba ita ida-idak atu hasa’e ita-nia lian hodi defende ema, nune’e ferramenta sira ne’e bele integra duni husi ita nu’udar aliadu.”
Santu Padre afirma, aliansa ne’e bele, maibé presiza bazeia ba ai-riin tolu maka responsabilidade, kooperasaun, no edukasaun.
Papa Leão XIV akresenta, bainhira uza intelijénsia artifisiál lahó konxiénsia, bele interfere maka’as ho relasaun umanu sira no kapasidade ba hanoin krítiku, hodi kria konsensu fásil, polarizasaun sosiál, no manipulasaun emosionál.
Pontífise mós reforsa importánsia edukasaun iha mídia, informasaun, no intelijénsia artifisiál, atu ema hotu bele uza teknolojia ho konxiénsia no labele bosok ho konteúdu manipulativu ka algoritmu sira ne’ebé iha tendénsia.
“Ita presiza oin no lian sira hodi revela fali ema ne’e. Ita presiza salvaguarda don komunikasaun nian hanesan lia-loos kle’an liu ema nian, orienta inovasaun teknolójiku,” nia afirma.