Apikuru Nakukun ! Kaduak Lia & Lila Lakon Vida Ho Aisidente Tráfegu
Imajem : Kaduak Lia & Lila
Sapnews Pro, Lautém : Asidente Tráfegu ida akontese iha Apikuru, munisípiu Lautém hodi rezulta foinsa’e feto kaduak na’in rua lakon vida tanba sofre kanek grave.
Tuir kronolojia ne’ebe SAP News TL asesu katak feton kaduak na’in 2 ne’e hala’o viajem ho motor husi Mahina-I atu ba Baucau, maka infelizmente hetan desastre iha área Apikuru, Suku Baduru postu administrativu Lautém.
“Iha akontesimentu ne’e, alin feto na’in-rua monu ho motor, ida mate fatin, no ida seluk konsege lori ba ospitál, maibé mate iha dalan antes hetan atendimentu médiku”.
“Novidades Tristeza hafalun Suku Maina I, Alin na’in-rua (kaduak) Lia & Lila hetan dezastre iha Api Kuru, Lautém. Deskansa ho damen”. Sita Pajina Facebook Suku Mahina I, Lautém, 27/01/2026
“Maromak simu sira-nia alma, no fó forsa, pasiénsia no konsolasaun ba família sira iha momentu susar ida ne’e”.
Matebian na’in rua ne’e orijem hosi Suku Mahina-I, finalista hosi Eskola Sekundáriu Jeral Númeru 1 Lautém, munisípiu Lautém.