Hafoin Vizita Ofisial, PM Albanese Fila Hikas Ba Austrália

Imajem : Primeiru Ministru Austrália Anthony Albanese iha Dili, 28-29/01/2026. Foto : SAPNews

Sapnews Pro, Díli : Hafoin hala’o vizita ofisial mai Timor-Leste, Primeiru Ministru Austrália Anthony Albanese ho delegasaun fila hikas ba Austrália ho Royal Australian Air Force.

Molok husik hela Timor-Leste, PM Anthony Albanese komprimenta Presidente Republika José Ramos Horta & Primeiru Ministru Kay Rala Xanana Gusmão iha Aeroporto Internacional Presidente Nicolau Lobato Comoro, loron 29 Janeiru 2026.

Lembra fali katak objetivu prinsipal hosi vizita oficial ne’e diskute relação no kooperasaun bilateral entre Timor-Leste no Austrália.

Vizita ne’e, Primeiru Ministru Austrália halo ona enkontru bilateral ho Presidente Republika Democrática Timor-Leste Jose Ramos Horta iha Palácio Presidêncial Nicolau Lobato Aitarak Laran no halo enkontru kooperasaun ho Primeiru Ministru Kay Rala Xanana Gusmão iha Palácio Governo.

Primeiru Ministru Austrália halo vizita ba Uma Fukun Parlamento Nacional ho hato’o diskursu ofisial, Presidente Parlamento Nasional Maria Fernanda Lay hato’o diskursu ofisial inklui bankada parlamentar sira sei halo diskursu durante serimónia solene.

Prezidente Repúblika, José Ramos-Horta mós kondekora ho órdem Grande Colár Timor-Leste ba PM Austrália, iha salaun Xina.

Tuir observasaun Jornalista SAPNews iha terenu nota katak wainhira Primeiru-Ministru Austrália to’o fali aeroportu akompanha direta hosi Presidente Republika José Ramos Horta & Primeiru Ministru Kay Rala Xanana Gusmão inklui membru governu sira.