Putin Simu Xanana Partisipa Simeira ASEAN-Rusia 2026
Imajem: Primeiru-Ministru Timor-Leste, Kay Rala Xanana & Prezidente Federasaun Rúsia, Vladimir Putin iha Kazan,17/06/2026. Foto: Media-GPM
SAPNewsTL, Rusia : Rusia realiza serimónia ofisiál benvindu no resepsaun Estadu hosi Prezidente Federasaun Rúsia, Vladimir Putin, iha Teatru Akadémiku Estadu Galiasgar Kamal Tatar atu fó onra bá xefe delgasaun, Primeiru-Ministru Timor-Leste nian, Kay Rala Xanana Gusmão ne’ebé partisipa iha Simeira Rúsia-ASEAN.
Serimónia resepsaun ne’e hodi fó onra bá partisipante sira Simeira Rúsia-ASEAN 2026 nian ne’ebé hala’o iha Kazan, Rusia durante loron tolu hahú hosi 17 to’o 19 Juñu 2026.
Prezidente Rúsia, Vladimir Putin iha nia diskursu espera líder sira ASEAN nian sei aproveita ospitalidade hosi Povu Rusia nian.
“𝐇𝐚’𝐮 𝐡𝐚𝐤𝐚𝐫𝐚𝐤 𝐬𝐢𝐦𝐮 𝐝𝐚𝐥𝐚 𝐢𝐝𝐚-𝐭𝐚𝐧 𝐢𝐦𝐢 𝐡𝐨𝐭𝐮 𝐢𝐡𝐚 𝐑𝐮𝐬𝐢𝐚. 𝐈𝐭𝐚 𝐡𝐚𝐬𝐨𝐫𝐮-𝐦𝐚𝐥𝐮 𝐢𝐡𝐚 𝐊𝐚𝐳𝐚𝐧, 𝐬𝐢𝐝𝐚𝐝𝐞 𝐟𝐮𝐫𝐚𝐤 𝐧𝐨 𝐚𝐧𝐭𝐢𝐠𝐮 𝐢𝐝𝐚 𝐧𝐞’𝐞𝐛𝐞 𝐫𝐞𝐟𝐥𝐞𝐭𝐞 𝐝𝐢𝐯𝐞𝐫𝐬𝐢𝐝𝐚𝐝𝐞 𝐤𝐮𝐥𝐭𝐮𝐫𝐚𝐥 𝐧𝐨 𝐫𝐞𝐥𝐢𝐣𝐢𝐨𝐳𝐚 𝐢𝐭𝐚-𝐧𝐢𝐚 𝐫𝐚𝐢𝐧 𝐧𝐢𝐚𝐧, 𝐧𝐢𝐧𝐢𝐚 𝐩𝐚𝐭𝐫𝐢𝐦𝐨𝐧𝐢𝐮 𝐢𝐬𝐭𝐨𝐫𝐢𝐤𝐮 𝐧𝐨 𝐞𝐬𝐩𝐢𝐫𝐢𝐭𝐮𝐚𝐥 𝐧𝐞’𝐞𝐛𝐞 𝐫𝐢𝐤𝐮, 𝐧𝐨 𝐢𝐡𝐚 𝐭𝐞𝐦𝐩𝐮 𝐡𝐚𝐧𝐞𝐬𝐚𝐧, 𝐢𝐝𝐚-𝐧𝐞’𝐞 𝐦𝐚𝐤 𝐬𝐢𝐝𝐚𝐝𝐞 𝐛𝐨’𝐨𝐭 𝐢𝐝𝐚 𝐧𝐞’𝐞𝐛𝐞 𝐦𝐨𝐝𝐞𝐫𝐧𝐮, 𝐝𝐢𝐧𝐚𝐦𝐢𝐤𝐮 𝐧𝐨 𝐡𝐚𝐫𝐞𝐞 𝐛𝐚 𝐥𝐢’𝐮𝐫”.
“𝐇𝐚’𝐮 𝐟𝐢𝐚𝐫 𝐤𝐚𝐭𝐚𝐤 𝐢𝐭𝐚-𝐛𝐨’𝐨𝐭 𝐬𝐞𝐢 𝐞𝐬𝐩𝐞𝐫𝐢𝐞𝐧𝐬𝐢𝐚 𝐨𝐬𝐩𝐢𝐭𝐚𝐥𝐢𝐝𝐚𝐝𝐞 𝐧𝐨 𝐥𝐚𝐫𝐚𝐧-𝐦𝐚𝐧𝐚𝐬 𝐣𝐞𝐧𝐮𝐢𝐧𝐮 𝐡𝐨𝐬𝐢 𝐩𝐨𝐯𝐮 𝐑𝐮𝐬𝐮 𝐧𝐨 𝐢𝐡𝐚 𝐨𝐩𝐨𝐫𝐭𝐮𝐧𝐢𝐝𝐚𝐝𝐞 𝐚𝐭𝐮 𝐚𝐩𝐫𝐞𝐧𝐝𝐞 𝐤𝐨𝐧𝐚-𝐛𝐚 𝐬𝐢𝐫𝐚-𝐧𝐢𝐚 𝐭𝐫𝐚𝐝𝐢𝐬𝐚𝐮𝐧 𝐧𝐞’𝐞𝐛𝐞 𝐫𝐢𝐤𝐮 𝐭𝐞𝐛𝐞𝐬,” Vladimir Putin hateten iha Kazan,17/06/2026.
Simeira ne’e hala’o hanesan parte ida hosi selebrasaun sira ne’ebé marka aniversáriu bá dala-35 hosi relasaun sira entre Rúsia ho Asosiasaun Nasaun sira Sudeste Aziátiku nian.
Kompozisaun distintu hosi partisipante sira hatudu ho klaru kompromisu fahe hosi Rúsia no nasaun sira hosi Sudeste Aziátiku nian hodi hametin parseria, hasa’e bá nível foun ida, no habelar liu-tán kooperasaun ne’ebé fó benefísiu bá malu iha polítika no seguransa, ekonomia, komérsiu, investimentu, no interkámbiu kulturál no umanitáriu sira.
Partisipasaun líder sira ASEAN nian iha Rúsia-ASEAN Summit 2026 mak hanesan Brunei Darusalam, Kamboja, Indonézia, Laos, Malázia, Myanmar, Filipina, Singapura, Tailándia, Timór-Leste no Vietname.
