Santu Padre : “Buat Aat La Mai De’it Hosi “Inimigu”, Maibé Iha Ita-nia Laran Rasik”.
Imajem : Espesial. Foto : Vatican News
Sapnews.com : Durante homilia Santo Padre Papa Leão XIV ne’ebé selebra misa iha Basílica de Santa Sabina, Pontífise hateten: “Quaresma estimula ita atu muda diresaun – konversaun sira ne’ebé halo ita-nia anúnsiu sai kredível liutan.”
“Sinzas” iha lei internasional no justisa, destrusaun ekosistema tomak, fraqueza pensamentu kritiku no lakon sentidu sagradu: ba katóliku sira, Quaresma ne’ebé hahú ohin loron lori karga mundu ida ne’ebé hanesan iha ahi-laran.
Metáfora ida-ne’e mak iha homilia ne’ebé Papa Leão XIV pronunsia iha Misa ne’ebé selebra iha Basílica Santa Sabina, hafoin prosesaun tradisional ne’ebé hahú hosi Igreja de Santo Anselmo, iha loron Quarta-feira de Cinzas.
Santo Padre hateten Iha tempu Quaresma, buka rediskobre grasa atu sai Igreja: “Ita hatene katak ohin loron sai difísil liu atu halibur ema sira no sente an hanesan povu ida, la’ós ho maneira nasionalista no agresiva, maibé iha komuniaun ne’ebé kada ema hetan fatin ida-idak.”
Iha Igreja, ita rekunhese katak buat aat la mai hosi “inimigu” sira de’it, maibé iha ita-nia laran rasik. Sala sira ne’e presiza hasoru ho responsabilidade.
Pontífise afirma katak sala sempre pesoál, maibé bele mos forma iha ambiente real no virtual, iha “estrutura sala nian” iha área ekonomia, kultura, politika no mós relijiaun.
“Quaresma loloos, estimula ita atu muda direção no konversaun ne’ebé halo ita-nia anúnsiu sai kredível liutan,” hateten Papa Leão XIV iha Vaticano, 19/02/2026, tuir Vatican News.
Anúnsiu ida-ne’e mos pasa liu hosi Ritu Cinzas, ne’ebé Papa Paulo VI hakarak selebra publikamente tinan 60 liubá, hafoin Konsíliu Vaticano II remata. Iha tempu ne’ebá, Papa Montini uza espressaun “apologia das cinzas” atu deskreve pessimismu ne’ebé domina produsaun intelektual, ne’ebé hatudu tristeza boot moris nian no ideia absurdidade no nada.
“Ohin, ita bele rekunhese profesia iha liafuan sira-ne’e no sente iha sinzas ne’ebé tau ba ita, todan mundu ida ne’ebé hanesan iha ahi laran: cinzas lei internasional no justisa entre povu sira, cinzas ekosistema tomak no dame entre ema sira, cinzas pensamentu kritiku no sabedoria antigu lokal sira, cinzas sentidu sagradu ne’ebé hela iha kriatura ida-idak.”
Tuir mai, nesesidade boot atu fó testemuñu kona-ba Kristu ne’ebé Moris Fali. Rekunhese ita-nia sala, Papa hatutan, “signifika la para de’it iha cinzas, maibé hamriik fali no konstrui fila fali.”
