Ho Laran-Moras, Messi Deside Sai Hosi Selesaun ! Ronaldo Fo Respeitu & Parabens
Imajem : Edital
SAPNewsTL, Internasionál : Jogador lengedáriu Argentina, Leonel Messi liu hodi hakerek karta ida no fo sai iha nia konta ofisial instagram deklara katak tempu to’o hodi sai husi selesaun nasionál hodi fo fatin ba jogador foun sira ne’ebé merese.
Lionel Messi hakerek katak “ne’e maka desizaun ida ne’ebé halo ha’u sente moras no sei moras nafatin iha ha’u-nia laran, maibé ha’u komprende katak tempu ona. Ha’u jura katak durante tempu hotu, ha’u fó buat hotu-hotu ne’ebé ha’u iha”.
”La’ós de’it iha tinan sira ikus, bainhira ami hetan vitória hotu, maibé desde uluk kedas. Ha’u luta nafatin no fó ha’u-nia buat hotu ba kamisola ida-ne’e, atu fó ksolok ba imi no halo imi sente orgullu tanba imi mak Argentinian liuhosi futeból”.
Messi hatutan, agora tempu la barak ona no etapa sira komesa taka ida-idak. “Ida-ne’e mak etapa ida ne’ebé halo ha’u sente moras tebes. Ha’u hadomi no sei hadomi nafatin atu sai membru Seleksaun Nasional”.
”Ha’u fó ona ha’u nia buat hotu, no agora ha’u la iha tan buat seluk atu fó. Aleinde ne’e, iha joven sira talentozu tebes mai kotuk, no sira merese atu hetan fatin iha seleksaun”.
Leonel fo obrigadu ba barak ba ema hotu ne’ebe gosta no jornada futebol durante tinan ruanulu ikus ne’e iha selesaun nasionál Argentina.
”Obrigadu barak ba imi-nia domin no karíñu durante tinan 20 ne’e. Ha’u sei falta tebes atu rona imi nia apoiu husi laran. Agora ha’u sei sai ema ida tan hanesan imi hotu, apoia no fó forsa ba seleksaun husi li’ur, iha tempu di’ak no tempu aat, liuliu iha tempu aat”. Nia hakerek
Messi mós fo agradese ba nia família ne’ebe sempre suporta no hamutuk ho nia iha situasaun fasil no difisil nia lara.
”Obrigadu ba ha’u-nia família tanba imi sempre iha hamutuk ho ha’u, no akompaña hau iha viajen ida ne’ebé furak tebes, maibé mos difísil”.
Messi mós fo “obrigadu ba treinador hotu, kolega-kompanheiro sira no dirigente sira ne’ebé ha’u iha oportunidade hodi sai mata-dalan. Ha’u lori ho ha’u lembransa no momentu sira ne’ebé sei la haluha”.
”Ha’u sei bá ho hakmatek no orgullu tanba hamutuk ho ha’u-nia kompanheiro sira, ami konsege fó ba imi momentu sira ne’ebé ami hotu mehi. Foi buat ida ne’ebé furak no inkrível tebes atu bele moris hotu-hotu ne’e hamutuk ho imi. Hau hadomi imi hotu. Obrigadu Maromak tanba halo ha’u sai Argentinian. Mai ita, Argentina!
Tuir publikadaun ne’ebe nia fo sai katak deklarasaun ne’e Lionel Messi hakerek iha loron 21 fulan-Jullu, loron rua hafoin final kopa mundial 2026.
”Ohin, hafoin buat ne’ebé akontese ba ha’u nia aman, ha’u fiar no konvinsidu liután duke antes. Hau hadomi o, aman”.
Relativamente ho deklarasaun ne’e, Jogador Selesaun Nasionál Cristiano Ronaldo fo respeitu no parabens ba Lionel Messi ne’ebe tinan barak kompete no marka istória hamutuk iha futebol.
“Parabéns ba Messi. Durante tinan barak ami kompete, desafia malu no halo istória hamutuk. Ha’u iha respeitu boot ba buat hotu ne’ebé nia konsege.”
Ronaldo afirma, “Kona-ba ha’u-nia aposentadoria, ha’u seidauk iha data exata, maibé tempu ne’e besik ona. Ha’u sei hakarak hetan buat balu tan ho Portugal, maibé ha’u hatene katak ha’u labele joga ba nafatin. La kleur tan, sei to’o ha’u nia tempu atu hatete adeus.”
Antes ne’e, Portugal, Cristiano Ronaldo mós aumenta espekulasaun kona-ba planu reforma-an hosi futebol, hafoin nia dehan katak tinan oin bele sai tinan ikus ba nia nu’udar jogadór futebol.
Kapitaun seleksaun Portugal ho idade tinan 41 ne’e mak ida hosi jogadór futebol ho troféu no prestíjiu barak liu iha istória. Nia hetan troféu importante ho Manchester United, Real Madrid, Juventus no nia klube atual Al-Nassr, depois nia hahú karreira sénior ho Sporting iha tinan 2002.
Ronaldo, ne’ebé manan Ballon d’Or dala lima, la konsege aumenta troféu Kopa Mundu ba nia lista prestíjiu, hafoin Portugal la konsege hetan rezultadu diak iha torneiu mundiál 2026.
“Provavelmente, ida-ne’e sei sai ha’u-nia tinan ikus iha futebol, no ha’u hakarak husik legadu espetakulár ida,” Ronaldo dehan ba revista lifestyle Vogue, iha entrevista ne’ebé publika
Jogadór ofensivu ne’e agora marka ona golu 978 ba klube no seleksaun nasional, durante karreira ne’ebé dura liu tinan 20.
Ronaldo mos dehan katak nia iha buat barak atu halo bainhira nia remata karreira futebol.
“Ha’u iha buat barak atu halo ne’ebé bele halo hau okupadu, tanba atu hili buat ida de’it mak difísil. Futebol bele husik espasu mamuk boot ida, tanba ne’e ita presiza prenxe ita-nia tempu ho maneira oioin, la’ós ho buat ida de’it.”
Nia aumenta katak nia hakarak disfruta liután moris, viaja liután, haree no joga padel, desportu ne’ebé nia gosta tebes, no kontinua disfruta buat sira ne’ebé nia hetan ona hosi karreira.
Ronaldo sei kontinua joga ba klube Al-Nassr iha Saudi Pro League iha temporada ne’e, enkuantu nia besik liután ba marka histórica 1.000 golu durante nia karreira.
To’o loron 1 Setembru Lionel Messi halo ona golu hamutuk 927 kompostu hosi golu glube 802 no golu nasaun 125, enkuantu Cristiano Ronaldo halo golu glube hamutuk 832 no nasaun hamutuk 146.
