Regulariza Rede Sosial, Evita Públiku Minimiza Ema Nia Reputasaun

SAPNewsTL, Dili: Deputadu Bankada FRETILIN David Dias Ximenes Mandati hateten presiza kontrola lei hodi regulariza rede social iha Timor Leste hodi prevene no evita insulta malu no trata iha sosial media

“Regula rede sosial iha ita nia rai ne’e pertinente tebes, iha ita nia konstituisaun mos ko’alia lolos iha artigo 1 dehan katak ita nia rai ne’e ukun rasik an bazeia husi respeitu ba ema nia dignidade i respeitu ema nia reputasaun”. Dehan Deputadu Bankada FRETILIN David Dias Ximenes Mandati iha nia knar fatin Parlamentu Nasional,Kuarta-Feira, 24/08/2022.

Deputadu Bankada Fretilin ne’e hatutan presiza hatene tuir no ema hotu tenki iha moral atu respeitu ema nia dignidade
“Atu kontrola lei sira ne’e, ita tenki hatene tuir tanba ita nia lei mos ko’alia kona ba violasaun fizika, violasaun integridade fizika ne’e krime entaun signifika violasaun moral ema nian (vida partikular), hatun ema nia dignidade no insulta ema ne’e labele maibé ita iha razaun iha preokupasaun parese iha, ami mos sei reuni ba preokupasaun sira ne’e”. Tenik nia

Nia akresenta jornalista sira parte ida hanesan kontrolu sosial no rona sosiedade nune’e fiar katak sei lori preokupasaun sosiedade sira nian.
“Jeralmente jornalista sira hanesan halo kontrolo sosial, ita bo’ot sira mos rona ita nia sosiedade nia halerik ne’e saida ita fiar katak kestaun ne’ebé foti mai ne’e hanesan kestaun ida ne’ebé iha sosiedade nia laran, ita hanesan jornalista ema iha média ne’e nian, nia mos iha razaun sira ne’e ami sei deskuti atu toma inisiativa no kona-ba parese iha tiha ona, ita seidauk iha serteza lolos ita labele dehan saida mak akontese ne’e”. Nia hakotu

Jornalista : Ermelinda Soares
Editor : Ekipa Editorial