Hametin Koperasaun Seguransa Marítima, Australia Oferese Ro Rua Ba TL
SAPNewsTL (Dili) : Hafoin vizita Pais Vizinu Austrália, Prezidente Repúblika Jose Manuel Ramos Horta, iha intervista nia hateten vizita Australia ne’e objektivu hodi ko’alia kona-ba Kooperasaun entre Timor Leste no Australia.
Iha konferénsia Imprensa ba Jornalista sira, Xefe Estadu dehan Australia ho Timor Leste iha Kooperasaun ne’ebe mak di’ak.
“Ambiente di’ak teb-tebes ho governu foun ne’e, la signifika governu anterior la relasaun di’ak, La’e sempre relasaun di’ak ho Australia liu-liu kuandu rezolve tiha fronteira maritima ne’e ho anterior governu”. Dehan Prezidente Republika iha Aeroportu Internasionál, Dili, 12/09/2022
Tuir Prezidente Repúblika, vizita iha Australia haree oinsa formaliza akordu entre Ministériu Defeza Timor Leste no mos Australia.
“Vizita ida ne’e atu haree oinsa implementa formaliza akordu ho Ministru Defeza no mos asina akordu SOFA (States Force Agreements) ne’e la’os hanesan akordu ba baze militar, La’e, ne’e akordu normal kualker Pais ruma hanesan Australia, Inglatera, Franca, Alemanha, Japão, kuandu iha kooperasaun militar i adidus militar iha asesor militar ruma ou Polisia Sivil ke halo kooperasaun sira sempre buka akordu sira ne’e iha mundu tomak”. Xefe Estadu afirma.
Total ho forsa States Force Agriments ne’e atus ida resin. Amerika mos iha akordu lubuk ida,Kooperasaun tekniku militar agora haree liu ba Kooperasaun de seguransa maritima
Aleinde ida ne’e, Prezidente Republika hateten, Australia mos oferese Ro Ahi 2 mai Timor Leste.
“Australia fo ba ita Ro ahi 2 espesialmente konstruidu ba Tasi Timor nian, Ro Ahi modernu, ke sira rasik halo manutensaun i sira kontinua halo formasaun ba ita nia elementos F-FDTL unidade maritima”. Nia sublina
Jornalista : Esmeralda da Silva & Vinsensius Morais