Kada Tinan Investe Orsamentu Millaun 5, Eskola Portuguesa Dili Iha Kualidade Aas
SAPNewsTL, Dili : Hafoin halo abertura ba Eskola Portuguesa Dili, Rui Cinatti Ano lectivo 2022-2023 iha Balide, Intervista Presidente da Repúblika Jose Manuel Ramos hateten eskola ne’e iha kualidade di’ak tanba kada tinan- tinan gastu millaun 5.
“Eskola ne’e eskola portugues duni, buat hotu orsamentu estadu portugues, infraestrutura ba professor sira, material eskola, buat sira ne’e hotu, tinan tinan maizumenus euro milaun 5 mak gastu ba eskola ida ne’e, Ha’u konsidera eskola ne’e aas teb-tebes”. Dehan Prezidente da Republika ba Jornalista sira hafoin partisipa Iha abertura escola Portuguesa Dili, 13/09/2022
Aleinde ida ne’e, Xefe Estadu hateten eskola ne’e kuaze 100% Timor oan liu ona 1000 resin no qualidade aas teb-tebes.
“Mudansa ne’ebe sai husi ne’e balun asesu eskola kontinua ba Portugal no rai seluk tanba sertifikadu Portuguesa, ema ne’ebe hetan sertifikadu iha ne’e, nia bele ba França, Italia, Alemanha tuir tratado Europa nia naran ho sertificadu eskola portuguesa, iha ne’ebe hotu hotu iha Europa asesu”,(afirma xefe Estadu).
Entertantu, Prezidente da Republika konsidera eskola Portuguesa Dili, importante no kontribui ba rekursus Humanos Timor Leste nian iha future, nune’e nia parte fo apoiu tebes ba eskola portugues ne’e inklui eskola hotu iha Timor Leste.
Jornalista : Vinsensius Morais
Editor : Ekipa Editorial