Xefe Estadu Konsidera JSMP Presta Servisu Di’ak

SAPNewstTL, (Dili) : Prezidente Republika Jose Manuel Ramos Horta halo vizita Programa Monitorizasaun Sistema Judisial (JSMP), iha Edifisiu  Colmera Dili hodi haree Servisu Justisa no Lezislativu.

Ba Jornalista sira, Direktora (JSMP) hateten, Pela primeira vez Prezidente da Repúblika hala’o vizita mai Edifisiu Judisial System Monitoring Program (JSMP).

 “Objektivu husi vizita Presidente da Repúblika ne’e, atu haree direitamente Servisu JSMP nian, no mos rona ami nia Servisu durante ne’e oinsa observasaun Ami nian iha Justisa no mos Lezislativu”. (Dehan Direktora JSMP iha Edifisio Colmera, 14/09/2022).

Nia hatutan, Pontu hirak ne’ebe JSMP, hato’o ba Presidente da Repúblika mak JSMP nia haree iha Istoria Justisa Lezislativu liliu funsionamentu funsionario sira, prokuradoria, defensor públiku no mos Tribunal sira, inklui mos Parlamento Nacional.

    “Kona ba Servisu Parlamento Nacional nian, JSMP iha kestaun mak Lei sira ne’ebe produs, ami hato’o ba Presidente da Repúblika kona-ba Servisu ne’ebe durante sira halo, Ami mos apresia ba servisu ne’ebe sira konvida JSMP, iha futuru mai konsultasaun públiku presiza kontinua iha Lei sira atu nune’e bele hatene realidade Timor Leste nian”.( afirma Nia)

Aleinde ida ne’e Xefe Estado mos akresenta, durante ne’e haree hela servisu ne’ebe JSMP halo iha Tinan lubuk ida nia laran.

    “Ha’u primeira vez mai, iha Tinan lubuk ida nia laran, akompanha hela Servisu ne’ebe JSMP halo, importante nu’udar monitoriamentu ba sistema Justisa ne’ebe iha fatin barak”.(dehan Xefe Estadu)

Entertantu, xefe Estado mos sublinha, JSMP servisu diak iha tinan lubuk nia laran, maske ho nia rekursus ne’ebe la barak

     “Portantu, ho ida ne’e buka atu reforsa Sira, hodi bele hala’o sira nia knaar, atu bele tau matan ba Independensia poder Judisial nian, hodi labele poder Judisial sai politizadu, tanba  poder Judisial poletizadu ita lakon hotu”.(hakotu xefe Estado).

Jornalista : Vinsensius Saldanha Morais de Araujo