Papa : “Labele Husik Jovens Iha Banku Rezerva, Maibe Apóia Sira Realiza Mehi & Hadia Mundu”.

Sapnews Pro : Papa Leão XIV afirma la iha ema ida mak tenke hetan negligénsia ka sente abandonadu, liu-liu iha kontestu ida ne’ebé marka ho “invernu demográfiku” no difikuldade sosiál no ekonómiku.

Papa Leão XIV afirma mensagem ne’e bainhira simu iha audiência partisipante sira hosi Projetu Policoro husi Conferência Episcopal Italiana (CEI), iha okaziaun tinan 30 inisiativa ne’e nian, ne’ebé dedika ba promosaun servisu dignu no akompanhamentu ba juventude.

“Ita boot sira mak oin furak ida hosi Itália ne’ebé la desiste, la rende an, arregaça mangas no hamriik fila fali,” nia dehan, hodi hanoin katak iha tinan sira ne’e, hetan ona inisiativa barak iha área sosiál, polítika no ekonómika, ne’ebé inspira hosi Evanjellu no doktrina sosiál Igreja nian”. Hateten Papa Leão XIV iha Vaticano, 22/02/2026. Sita Vatican News

Papa sublinha kriasaun kooperativa sira, reutilizasaun sosiál ba bens ne’ebé konfiska hosi máfia sira, no akompanhamentu ba joven sira iha konstrusaun atividade empreendedora sira.

“Ita-boot sira trata ferida sira hosi joven sira ne’ebé tau iha marjin, desiludidu no la iha motivasaun. Obrigadu ba di’ak hotu ne’ebé ita boot sira halo ida ne’e! Obrigadu tanba ita boot sira hatene klaru katak la iha joven ida mak bele husik ‘iha banku rezerva’, maibé tenke hetan apoiu atu realiza nia mehi sira no hadi’a mundu.”

Papa mos hanoin importánsia doktrina sosiál Igreja nian hanesan instrumentu atu interpreta realidade, no konvida joven sira atu la husik an lori ba vizaun pessimista ka ingenuidade.

“Examina buat hotu no kaer buat ne’ebé di’ak.” Entre prinsipiu sira ne’ebé tenke orienta asaun sosiál no pastorál, Pontífise temi sentralidade ema nian, bem comum, solidariedade, subsidiariedade, destinasaun universal bens sira, partisipasaun, ekologia integral no dame.

Papa Leão XIV mos hatudu valor moris komunitária iha kultura ida ne’ebé marka ho individualismu no kompetisaun.

“Servisu, ekonomia, polítika no komunikasaun la sustenta iha jenialidade líder solitáriu sira de’it, maibé iha espesialista relasaun sosiál sira. Bainhira moris komunitária kresce, iha sosiedade no Igreja, entaun ita kria kondisaun atu moris bele moris no buras.”