Empodera Ekonomia Feto Vulneravel, MSSI Kontinua Programa Reintegrasaun Sosial

Diretor Jeral Solidariedade Sosial no Inkluzaun Florensio Pina Dias Gonzaga, iha Salaun Fokupers Farol Quarta-Feira (19/10/22).

SAPNewsTL, Dili –  Liu husi Semináriu ne’ebe organiza husi Forum Komunikasaun Perempuan (FOKUPERS), iha Palestra Diretor Jeral Solidariedade Sosial no Inkluzaun Florensio Pina Dias Gonzaga ne’ebe lori tema Papel MSSI Kona-Ba Pakote Reintigrasaun no Empodera Ekonomia Feto Vulnuravel iha Timor Leste.

Tuir Florensio Pina Dias Gonzaga katak MSSI nia papel importante enjeral nia implementa sistema protesaun  sosial iha Timor Leste, Pontu tolu mak Hanesan asisténsia sosial , seguransa sosial, no servisu sosial.

“Asisténsia sosial liga ho asisténsia umanitaria ka atendementu ba ema vulneravel sira, Ita hotu Moris la’o hela ami atende hela maibe ladun masimu no bainhira mate ona MSSI iha ona preparasaun ba hakoi no suporta husi kaisaun ba ema Vulneravel Sira”, Dehan Diretor Jeral SSI Florensio Pina Dias Gonzaga ba jornalista iha Salaun Fokupers Farol Quarta-Feira (19/10/22).

Nia hatutan, Seguransa sosial regimi kontrabuitivu naun kontrivuitivu  nian mak trabllodores estadu nian aban bainrua idade to’o tiha ona, bele goza fila fali, se mate ona nia oan no jerasaun tuir mai, Rejimi naun kontrabuitivu ne’e ko’alia kona-ba idozos no apoiu subsidiu ba ema ho difisensia 17 anos ba leten.

Liga ba reiintegrasaun, iha difikulidade barak no ko’alia empoderamentu Ekonomia mos fasil maibe implementa mos susar teb-tebes, institutu IADE ho MSSI sempre kopera hamutuk iha area ida ne’e

“Labarik hamutuk Uma Kain  sanulu resin lima (15), iha pantai kelapa maka hela iha uma mahon ho nune’e ami investe deit 500$  dolares ba labarik nia inan aman ou ema ne’ebe tau matan, ami servisu hamtuk ho IADE fo kapasitasaun bazika no monitorizasaun ne’e susar uituan tanba ami iha area sosial ne’e fila liman, Uma Ka’in 15 ne’ebe ami suporta ne’e hetan susesu dunik no hatudu sira nia sertifikadu katak sira susesu to’o lisensiatura”. nia hatete

MSSI servisu hamutuk ho parseiru sira liu husi instituisaun sira seluk hodi ko’alia Kona-ba apoiu vitima sira iha kontestu rua, MSSI ho nia komitmentu apoiu direita ba vitima sira, no akompanhamentu, tuur hamutuk ho vitima sira wainhira rona vitima sira nia problemas no fo solusaun

Enkuantu, MSSI mos husu ba parseiru sira hotu hodi servisu hamutuk no tau matan ba familia sira liu husi apoiu finanseiru, nune’e bele ajuda no fasilita oan sir aba eskola

“Husu ba institusaun ho parseiru sira,  mai Ita hamtuk hodi tau matan ba inan vulneravel no difisiénsia sira atu aluta ba sira nia future, Ita presiza hamutuk hodi suporta liu fundus  orsametu Kiik ba sira hodi atende sira nia familia no oan sira ba eskola”. Nia hakotu

Jornalista : Antonina Da Silva

Editor       : Ekipa Editorial