Komemora Loron Ai-Han Mundial, UNTL Sai Vensedor Iha Kompetisaun Kulinária
Imajen MAP Atribui Premiu ba manan nain kompetisaun kulinaria iha CCD, 18/10/2022
SAPNewsTL, Dili – Iha Ambitu Selebrasaun Loron Ai-Han Mundial, Estudante Universidade Nasionál Timor lorosae (UNTL) sai manan nain iha kompetisaun te’in produtu lokal, entre UNTL, UNITAL , UNDIL, UNPAZ , ICS.
“Ohin loron ita selebra loron mundial ai-han ba Timor Leste, Ami mos halo kompetisaun entre univertáriu sira liu husi tein ai-han produto lokal, senti kontente tebes tanba sai manan na’in iha kompetisaun kulinária ida ne’e hodi eleva moa ami nia kunhesimentu kona-ba nutrisaun, selebrasaun ida ne’e la’os ita Timor de’it mak selebra maibé loron mundial ai-han ba ema hotu tantu ema ki’ik to’o idade ferik no katuas”. Dehan representante estudante UNTL Delfiano Modeiria ba jornalista iha fatin CCD, Tersa-feira (18/10/ 22).
Estudante UNTL ne’e konsidera selebrasaun loron ai-han mundial ne’e importante tebes tanba bele fanun ema hotu hodi tau atensaun ba hahan ne’ebe konsumu kada loron
“Loron ida ohin ne’e la’os timor mesak selebra loron ai-han mundial importante teb-tebes iha mundu tomak, ita ema moris kuandu la han ita labele moris no aktividade ida ne’e lolos selebra iha loron 16 otubru maibé ida ne’e programa husi minitériu Agrikulra e Peskas (MAP) depois kabe ba iha NGO internasional sira hanesan dable.IP sira ne’e mak toma konta iha loron mundial refere maibé sira konvida ami husi akademiku sira atu ami mai hola parte iha aktividade ne’e, ” Dehan Nia
Delfiano hatutan, ema barak seidauk kompriende kona-ba nutrisaun no nutrisaun ne’e importante ka lae ?
“Ema barak mak la komprende saida mak nutriasaun no sira rasik la komprende katak, nutrisaun ne’e importante ka lae, tanba ita hatene moras hot-hotu ne’e, liu husi ai-moruk musan ida mak bele kura ita nia moras maibé ne’e la’os moras hot-hotu ne’e mai husi ita nia hahan rasik se kuandu ita konsumu uitoan liu entaun ida ne’e bele afeita moras”. Nia sublinha
Enkuantu, iha kompetisaun kurinaria refere estudante UNTL sai hanesan primeiru lugar ho premiu osamentu $.380 USD, Estudante UNPAZ sai segundu Lugar, ICS sai terseiru Lugar no UNDIL sai Kuartu Lugar
Jornalista : Antonio Tilman
Editor : Ekipa Editorial