Povu Zumalai Komemora Loron Restaurasaun Independénsia ba Dala 24 ho Missa Agradesimentu
Imajem: Povu Zumalai selebra loron restaurasaun independénsia ba dala-24 ho misa solene iha parokia Nossa Senhora do Carmo Zumalai. Foto: SAPNewsTL
SAPNewsTL, Covalima : Povu Postuparokia Nossa Senhora do Carmo Zumalai. Administrativu Zumalai, Munisípiu Covalima selebra missa solene agradesimentu ba komemorasaun loron Restaurasaun Indepensia nian ba dala 24 iha parokia Nossa Senhora do Carmo Zumalai.
Durante selebrasaun Missa, tuir observasaun jornalista SAPNews iha terenu, povu Zumalai partisipa maximu hodi halo orasaun ba erois no martires ne’ebe sakrifika Sira-nia Vida ba independénsia Republika Demokratika Timor-Leste. Missa ne’e sai mós momentu ida atu refleta fila fali ba dalan naruk ne’ebé povu Timor-oan liu, hodi konkista ukun-an.
Entretantu hafoin misa solene remata sarani sira diretamente ba kari ai-funan iha semiteriu Lon-Kulo. Iha missa solene ne’e hetan partisipasaun maximu husi Administrador Postu Zumalai, PNTL, Veteranos, Familia martires, xefe suku 8, funsionarius, lider partidu politiku, estudantes no sarani Sira hotu.
Keta haluhan akompaña live streaming Iha Pájina Facebook Sapnews Pro ba Serimónia komemorasaun loron Restaurasaun Independénsia 20 Maio 2026, iha resintu Eskola Sekundariu Jerál Públika Zumalai.
